IPL 2025 ke bache hue match kab aur kahaan khele jaenge?
By Kaif - May 09, 2025 03:39 PMLast updated on May 09, 2025 06:14 PM
Image Source: IPL-X
When and where will the remaining matches of IPL 2025 be played?: India aur Pakistan ke beech tanaav aur yuddh jaise halaat ke maddenazar Indian Premier League (IPL) ko ek hafte ke liye sthagit (BCCI has suspended IPL 2025 due to the situation between India and Pakistan) kar diya gaya hai. BCCI ki taraf se kaha gaya hai ki jab desh yuddh lad raha ho tab cricket ka chalna achha nahi lagta. Is beech ab fans ke mann mein ek hi sawaal hai ki ab IPL ke baaki bache hue match kab aur kahaan khele jaenge.
Media reports ke mutabik is saal jo Asia Cup hone wala hai, use radd kiya ja sakta hai. Uss window ke dauraan IPL ke bache hue match khele jaenge. Ab isko lekar adhikarik bayaan saamne nahi aaya hai. Ab dekhna yeh hoga ki isko lekar ab BCCI kya faisla karti hai.
Image Source: IPL-X
Also Read: Will Asia Cup also be cancelled like IPL 2025
IPL 2025 ke bache hue match kab aur kahaan khele jaenge?
- IPL ke season-18 mein abhi tak 58 match khele ja chuke hain, wahin league stage ke 12 match baaki hain. 22 March se shuru hue IPL mein 10 teams hissa le rahi hain. Final ko milaakar kul 74 matches khele jaane the. Tay karyakram ke mutabik, 25 May ko Eden Gardens mein final khela jaana tha.
- IPL ka baaki bacha hissa kab khela jaega? Khela jaega bhi ya nahi? Kya kuch khaas stadiums mein hi baaki ke matches karaaye jaenge ya videsh mein shift karaaye ja sakte hain? Is tarah ke tamaam sawaal abhi bhi bane hue hain. Filhaal suraksha ke maddenazar league ek hafte ke liye sthagit ho chuki hai.
- Agar ek hafte baad sab kuch theek rehta hai toh yeh matches dobaara ek hafte baad shuru kar diye jaayenge, lekin agar maamla shaant nahi hota toh yeh time badhaya bhi ja sakta hai.
- Padosi shahron Jammu aur Pathankot mein hawai hamle ki warning ke baad 08 May ko Dharamshala mein Punjab Kings aur Delhi Capitals ke beech match radd kar diya gaya tha. Uske baad se hi edition ke future par anishchitta ke baadal mandra rahe the. BCCI ke ek adhikari ne IPL sthagit hone ke baad kaha ki yeh achha nahi lagta ki jab desh mein yuddh chal raha ho, tab cricket chal raha ho."
? News ?
— IndianPremierLeague (@IPL) May 9, 2025
The remainder of ongoing #TATAIPL 2025 suspended with immediate effect for one week.
Also Read: Kya Aaj Ka IPL Match Khela Jayga ya nahi? Know the latest update here
Disclaimer
Possible11 is a sports news platform that provides live scores, player statistics, and tournament updates for informational and educational purposes only. We comply with the Online Gaming Bill, 2025 (India) and do not promote or engage with fantasy sports, betting, or real-money gaming platforms. All content is intended solely to enhance the sports experience. Possible11 is not affiliated with any fantasy or gambling applications and is not responsible for any financial gains or losses incurred on external platforms.
Give Your Feedback