Suryakumar Yadav ko kya hua? Achanak Germany mein kyun karai surgery?

Image Source: Social Media

Suryakumar Yadav ne Achanak Germany mein kyun karai surgery?: India cricket team ke T20I kaptaan Suryakumar Yadav ne Germany mein sports hernia ki surgery karayi hai.

25 June ki raat ko Surya ne apne Instagram account par hospital se apni photo share kar sabhi ko iski jaankari di. Is post ke dauran unhone ye bhi likha ki woh recovery ki raah par hain aur woh jald hi maidaan par wapas karenge.

Suryakumar Yadav ko kya hua? surgery kyun karai

Dar'asal, 34 saal ke Suryakumar Yadav ne apni tasveer share karte hue apni health ki jaankari di. Unhe Rohit Sharma ke T20 cricket se sanyaas lene ke baad BCCI ne T20 team ki kamaan saupi hai. Abhi woh break par chal rahe hain, jahaan unhone Germany mein sports hernia ki surgery karai. Iski jaankari unhone khud post ke zariye di.

Image Source: Social Media

"Life update, pet ke nichle daahine hisse mein sports hernia ki surgery hui. Yeh batate hue khushi ho rahi hai ki successful surgery ke baad, main theek hone ki raah par hoon. Cricket ke maidaan par lautne ka intezaar kar raha hoon. - Suryakumar Yadav

Suryakumar ke is post se yeh saaf samajh aa raha hai ki woh jald hi cricket ke maidaan par wapas karenge. Bata dein ki yeh koi pehli baar nahi jab Suryakumar sports hernia surgery kara rahe hain. Isse pehle woh 2024 mein bhi yeh kara chuke hain. Wahin, 2023 mein unhone takhne ki surgery karwai thi.

Also Read: Yashasvi Jaiswal became the first Indian to drop 4 catches in a single Test

---