SA20 Auction 2025: Kyun Sabhi Indian Cricketers Ko Kiya Gaya Ignore?
By Akshay - Sep 06, 2025 05:21 PMLast updated on Sep 06, 2025 06:04 PM
SA20 Auction List: South Africa ki T20 league SA20 ne Indian cricketers ko bada jhatka diya hai. Kisi bhi Indian ko auction ki final list mein jagah nahi mili hai.
SA20 Auction 2025: Kyun Sabhi Indian Cricketers Ko Kiya Gaya Ignore?
SA20 league ka auction 9 September ko hoga. Iske liye 13 Indian khiladiyon ne registration karwaya tha, lekin unmein se koi bhi player aisa nahi hoga jis par auction mein boli lagegi. Darasal, Piyush Chawla samet sabhi Indian cricketers ko final auction list mein jagah nahi mili hai. Yeh news kaafi shocking hai, khaaskar tab jab Dinesh Karthik isi saal Paarl Royals ke liye khelte nazar aaye the.
SA20 league ke commissioner aur former South African captain Graeme Smith ne kaha, "Indian cricketers ki situation hamesha fluid rehti hai. Yeh is baat par depend karta hai ki kaun retirement le raha hai aur kaun available hoga. Mere hisab se 13-14 players ne auction ke liye apna naam diya tha. Hum sirf itna karte hain ki auction ke liye registered players ki list teams ko bhejte hain, jo lagbhag 800 ke aas-paas hoti hai. Teams apne hisaab se players ka selection kar shortlist banati hain. Shortlist ke players par hi auction mein boli lagti hai."
Kaunse 13 Indian players ne diya tha naam?
Piyush Chawla, Siddharth Kaul, Ankit Rajpoot, Sarul Kanwar, Anureet Singh, Ansari Marouf, Mahesh Ahir, Nikhil Jaga, Mohammad Faidh, KS Naveen, Imran Khan, Venkatesh Galipelly, aur Atul Yadav ne auction ke liye apna naam register karwaya tha.
Coach ke roop mein dikhenge Sourav Ganguly
Bhale hi auction list mein kisi bhi Indian cricketer ka naam nahi hai, par Bharat ke legendary cricketer Sourav Ganguly SA20 ke agle season mein Pretoria Capitals ke head coach ke roop mein honge. Unhone pehle bhi kai teams ke mentor ka role ada kiya hai.
Disclaimer
Possible11 is a sports news platform that provides live scores, player statistics, and tournament updates for informational and educational purposes only. We comply with the Online Gaming Bill, 2025 (India) and do not promote or engage with fantasy sports, betting, or real-money gaming platforms. All content is intended solely to enhance the sports experience. Possible11 is not affiliated with any fantasy or gambling applications and is not responsible for any financial gains or losses incurred on external platforms.
Give Your Feedback