RCB Victory Parade Stampede Photos: RCB ki jeet bani maut ki wajah

RCB ki jeet bani maut ki wajah: Royal Challengers Bengaluru ki jeet ka jashn tab feeka pad gaya jab Bengaluru mein jeet ke jashn ke dauran 11 logon ki jaan chali gayi. RCB ne pehli baar khitaab jeeta toh Bengaluru mein trophy ka jashn manane laakhon prashansak jama hue. Halanki, Chinnaswamy Stadium ke bahar bhagdad machi aur fans ki jaan chali gayi. RCB un franchises mein se hai, jinke sabse zyada prashansak hain, lekin ye sab pata hone ke bawajood jashn ki taiyariyon mein chook haadse ki mukhya wajah rahi. Prashansakon ka jashn maatam mein badal gaya, lekin samman samaroh stadium ke andar jaari raha.

RCB Victory Parade Stampede Photos: Team ki ek jhalak paane ke liye stadium ke bahar laakhon ki sankhya mein prashansak umad pade jin par police niyantran nahin rakh saki. Iske liye halka balprayag bhi karna pada. Ye prashansak stadium ke bheetar ghusne ki koshish mein pravesh dwar ke bahar hi bhagdad ka shikar ho gaye. Budhwar dopahar jab RCB team Bengaluru pahunchi toh hawai adde ke bahar sadak par dono taraf badi sankhya mein khade prashansakon ne unka garmajoshi se abhivadan kiya. Prashansak Virat Kohli ke saath team ke khiladiyon ki ek ek jhalak paane ke liye sadkon par katar mein khade the. Yahi haal Chinnaswamy Stadium ke bahar bhi dikha jahan prashansakon ki sankhya lagaatar badhti gayi. Halanki, iske liye koi taiyari nahin ki gayi. Toh aaiye RCB Victory bhagdad ki photos ko dekhte hai.

RCB Victory Parade Stampede Photos

Also Read: Virat Kohli HD Wallpaper with IPL Trophy 2025

Also Read: Team India schedule after IPL 2025, Upcoming Cricket Matches

---