RCB Victory Parade Kab aur Kahan Hogi?, Live Kaise Dekhen?
By Kaif - Jun 04, 2025 12:05 PMLast updated on Jun 04, 2025 05:28 PM
Image Source: RCB-X
RCB Victory Parade: IPL 2025 ka Final sirf romanchak hi nahi, balki ek emotional muqabla bhi saabit hua. IPL 2025 ka final Royal Challengers Bengaluru (RCB) aur Punjab Kings ke beech khela gaya. Yeh match 3 June ko Ahmedabad ke Narendra Modi Stadium mein hua, jismein Bengaluru jeetne mein safal rahi. Is jeet ke baad, Royal Challengers Bengaluru 18 saal baad IPL trophy jeetne mein kamyaab rahi.
Ab franchise apne fans ke saath is jeet ka jashn manane ja rahi hai. Iske liye ek Victory Parade (RCB Victory Parade) ka aayojan kiya jayega. Toh chaliye jaante hain Royal Challengers Bengaluru ki victory parade ka route, saath hi kab aur kahan aap is vijay parade ko free mein live dekh sakte hain.
RCB Victory Parade ki sabhi jaankari aapko neeche di gayi hai, lekin abhi thodi der pehle Victory Parade par ek latest update aayi hai. Jismein khabar mil rahi hai ki RCB Victory Parade ko cancel kar diya gaya hai. To aaiye jante hai ki ye baat sach hai ya juth.
RCB Victory Parade Hogi Ya Nhi?
IPL 2025 mein Royal Challengers Bengaluru (RCB) ki jeet ke baad hone wali vijay parade ko Bengaluru mein radd kar diya gaya hai. Yeh jaankari Bengaluru Traffic Police ne di. Unhone logon ko Vidhana Soudha aur Chinnaswamy Stadium ke paas ke raaston se bachne ka aagrah kiya.
Police ne kaha ki koi vijay parade nahi hogi. Parking ki jagah seemit hai, isliye logon ko metro ya baaki public transport ka istemal karne ki salah di jaati hai.
Ahmedabad se RCB ki team Bengaluru pahunch gayi hai aur is beech Karnataka ke Grih Mantri ne bataya ki RCB ke khiladi shaam 4 baje Vidhana Soudha pahunchenge. Vidhana Soudha ki bhavya seedhiyon par Mukhyamantri aur Upamukhyamantri unhein sammanit karenge. Samaroh ke baad CM har ek khiladi ko badhai denge. Poora karyakram 45 minute se 1 ghante tak chalega, lekin CM se mulaqat ke baad RCB ki victory parade ka aayojan hona tha, lekin uske ab hone ke chances kam ho gaye hain.
Shaam 5 baje se samman samaroh ki shuruat hogi, jiska aayojan Bengaluru ke home ground Chinnaswamy Stadium mein kiya jayega. Is ceremony ke liye stadium mein unhi logon ko ijaazat milegi jinke paas Pass ya ticket hoga.
Jaane RCB Victory Parade Kab aur Kahan Hogi?
Image Source: RCB-X
Royal Challengers Bengaluru ne apne fans ke saath is aitihasik jeet ka jashn manane ke liye ek vijay parade ki ghoshna ki hai. Yeh parade 4 June ko dopahar 3:30 baje (Bharatiya Samay) se shuru hogi aur Bengaluru ke Vidhana Soudha se M. Chinnaswamy Stadium tak jayegi. Is aitihasik din ka jashn manane ke liye badi sankhya mein fans ke lal rang ke dress mein Bengaluru mein hone wale is bhavya karyakram mein shamil hone ki ummeed hai.
Team ke star batsman Virat Kohli ne trophy ke saath shahar lautne ke baad Bengaluru mein apne fans ke liye ek khaas jashn ka wada bhi kiya. Toh aapko bata dein ki Royal Challengers Bengaluru ki Vijay Parade (RCB Victory Parade) aaj dopahar 3:30 baje se Bengaluru mein shuru hogi.
RCB Victory Parade Kab Hogi?
Royal Challengers Bengaluru ki poori team IPL 2025 ka khitaab jeetne ke baad vijayi parade mein shamil hone wali hai. Fans ko RCB ki is victory parade ka besabri se intezaar hai. Virat Kohli, Rajat Patidar, Josh Hazlewood, Krunal Pandya se lekar har koi apni jersey ke rang mein rangi ek open bus par sawar hota hua nazar aayega. Is dauran sadkon par zabardast bheed dekhne ko milne wali hai. Bata dein ki RCB ki vijay parade aaj yaani 4 June ko Bengaluru mein honi hai.
Image Source: RCB-X
Also Read: IPL 2025 Highlights: RCB Historic Win, Shocking Twists and Records
Kitne Baje Se Shuru Hogi RCB Ki Victory Parade?
RCB ki vijay parade aaj, 4 June 2025 ko dopahar 3:30 baje (Bharatiya Samay) Bengaluru mein shuru hogi.
Kahan Dekh Sakte Hain RCB Victory Parade Ka Live Telecast?
RCB ki victory parade ka live telecast fans Star Sports Network par dekh sakte hain.
Kahan Dekh Sakte Hain RCB Victory Parade Ki Live Streaming?
RCB's Victory Parade ki live streaming (Live Streaming) fans Jio Hotstar app par dekh sakte hain.
Bata dein ki RCB ki victory parade ki shuruat Vidhana Soudha se hogi, jabki M. Chinnaswamy Stadium tak yeh parade chalegi. Is baat ki jaankari khud RCB ne apne official X account par di hai. Itna hi nahi, RCB team ke khiladi CM Siddaramaiah ke saath mulaqat bhi karne wale hain.
Also Read: RCB vs PBKS Final Match Highlights: Bengaluru won by 6 runs
Give Your Feedback