PBKS vs DC match Fir se khela jaayega ya usi jagah se shuru hoga?

By Kaif - May 13, 2025 12:01 PM
Last updated on May 13, 2025 12:03 PM

Image Source: X

IPL 2025 updated Schedule ka Elaan ho gaya hai: Bharat aur Pakistan ke beech border par badhte tanaav ko dekhte hue 9 May ko IPL ke 18th season ko ek hafte ke liye postponed kar diya gaya tha. Dono deshon ke beech ab halaat thode samaanya hai, jise dekhte hue BCCI ne revised schedule ka elaan kar diya hai.

Revised schedule ke saamne aane ke baad saaf ho gaya hai ki Punjab Kings aur Delhi Capitals ke beech match phir se khela jaayega. Bata dein, 8 May ki raat ko Dharamshala mein Bharat-Pak ke beech badhte tanaav ke kaaran blackout hone ke baad match radd kar diya gaya tha. Lekin ab dono teams ke paas shandaar khel dikhaakar do ank arjit karne ka mauka hai.

PBKS vs DC match Fir se khela jaayega ya usi jagah se shuru hoga?

Punjab Kings aur Delhi Capitals ke beech match phir se dobaara khela jaayega, usi jagah se shuru nahi hoga jahaan ruka tha. Yeh mukaabla 24 May ko shaam 7:30 baje se Jaipur ke Sawai Mansingh Stadium mein khela jaayega. Dono hi teams playoff ki race mein bani hui hai. Punjab 11 matches mein 7 jeet, 15 ankon ke saath points table mein teesre aur Delhi 11 matches mein 6 jeet, 13 ankon ke saath paanchve sthaan par hai.

Image Source: X

Punjab Kings aur Delhi Capitals IPL 2025 ke 58th match mein aamne-saamne theen. Baarish ke chalte toss mein deri hui thi aur phir Punjab ke kaptaan Shreyas Iyer ne toss jeetkar pehle ballebaazi karne ka faisla liya tha. Punjab ne match radd hone se pehle 10.1 overs mein ek wicket ke nuksaan par 122 run bana liye the. Priyansh Arya ne 34 gendon mein 70 run banaaye the aur Prabhsimran Singh ne 28 gendon mein 50 run par not out the.

IPL 2025 revised schedule mein pehla match 17 May ko Royal Challengers Bengaluru aur Kolkata Knight Riders ke beech Bengaluru mein khela jaayega. 29 aur 30 May ko Qualifier-1 aur Eliminator hoga aur phir 1 June ko Qualifier-2 aur final 3 June ko hoga. Bengaluru, Jaipur, Delhi, Lucknow, Mumbai aur Ahmedabad bache league matches ki mezbaani karenge. Wahin, board aane waale samay mein playoff mukaablon ke liye venue ka elaan karega.

Also Read: Jaane Kis Team Ke Khilaaf Virat Kohli Ne Kitne Shatak Bnay

IPL 2025 ka naya Schedule

Playoff mukaablon ke Venue ki ghoshna BCCI dwara baad mein ki jaayegi. Tournament mein kul 17 mukaable khele jaayenge, jinmein do double-headers shaamil hain jo Ravivar ko aayojit kiye jaayenge. Qualifier 1 match 29 May ko, Eliminator 30 May ko, Qualifier 2 mukaabla 1 June ko aur final mukaabla 3 June ko khela jaayega. Halaanki inke venue ki ghoshna abhi nahi ki gayi hai. Yaani 18 din mein 17 match khele jaayenge.

IPL 2025 Updated Schedule

Also Read: Australia squad announced for the WTC final, Green returns, Marsh out

« Previous Gujarat Titans IPL 2025: Remaining Matches, Dates & Venues

Next » Virat Kohli Visits Vrindavan After Test Cricket Retirement