By Kaif - Jun 10, 2025 11:05 AM
Image Source: X
Nicholas Pooran ne mahaz 29 saal ki umar mein International Cricket se alvida kaha hai. Haal hi mein IPL mein nazar aaye Nicholas Pooran ne achanak retirement ka elaan kyun kar diya? Iske peeche ke kaarnon ko jaan lijiye.
Nicholas Pooran ne itni jaldi international cricket se retirement kyun liya?: Ek samay aisa tha, jab doctors ne West Indies ke dhaakad batsman Nicholas Pooran ko ye tak bol diya tha ki ve shayad aage cricket nahi khel payenge. Halanki, apni mehnat, rehab aur ichhashakti ke dam par unhone doctors ke kahe ko jhootha saabit kar diya. Ye baat 2015 ki hai, jab unke saath ek car durghatna hui thi, lekin iske baad se ve 60 se zyada ODI aur 100 se zyada T20 International match West Indies ke liye khele, lekin 29 ki umar mein unhone International Cricket ko alvida kehkar sabhi ko chauka diya. Unke is umar mein retirement ke peeche ki wajah kya-kya ho sakti hain? Unke baare mein jaan lijiye.
Image Source: X
England aur West Indies ke beech haal hi mein teen matches ki ODI series aur utne hi matches ki ab T20 series kheli ja rahi hai. Is series ke liye Nicholas Pooran ne ye kehkar kinaara kar liya tha ki ve IPL mein busy hain. Halanki, ve T20 series ke liye available ho sakte the, lekin phir bhi ve is series se door rahe. Ho sakta hai ki unke aur board ke beech isko lekar takraar hui ho aur unhone retirement ka faisla liya ho. Halanki, is baare mein na toh Nicholas Pooran ne kuch bola hai aur na hi board ki ore se aisa koi daava kiya gaya hai.
Image Source: X
Kyu liye Nicholas Pooran ne retirement: Aaj ke samay mein paise se kise moh nahi hai? Nicholas Pooran phir isse door kahan ja sakte hain. Agar ve West Indies ke liye 10 saal khelen tab jaakar unko itne paise milenge, jitni unki IPL 2025 ki income thi. Kareeb do crore rupaye ek season ke liye West Indies ke players ko sabhi format ke match khelne ke liye milte hain, jabki IPL 2025 ki Nicholas Pooran ki salary hi 21 crore hai, jo sirf do mahine cricket khelne ke liye milenge. Aise mein paisa ek bada factor unke saath hai. Ve ab International Cricket nahi khelenge toh alag-alag leagues mein zaroor khel sakte hain aur mota paisa chhap sakte hain.
Also Read: Kya Rohit aur Virat Australia mein khelenge farewell Match?
Image Source: X
Jab aap har samay cricket khelte hain toh aapko sharirik thakaan hoti hi hai, lekin saath mein mansik thakaan bhi in dino ek badi samasya hai. Ho sakta hai ki इन्हीं cheezon se bachne ke liye unhone retirement ka elaan kiya ho, kyunki IPL 2025 ke baad unko International Cricket khelna thi aur phir kuch mahine baad Caribbean Premier League ka aayojan hona hai. Agar koi cricketer do format khelta hai aur do ya isse zyada leagues mein khelta hai toh uske paas recovery ka time waakai mein kam hota hai. Aise mein ye kaaran bhi unke retirement ka ho sakta hai.
Also Read: Virat Kohli HD Wallpaper with IPL Trophy 2025
Give Your Feedback