MI vs DC match agar baarish ke bajah se cancelled ho jata hai to? kya hoga

Image Source: X

What if MI vs DC match gets cancelled due to rain?: IPL 2025 ke 21 May ke din ka mahamuqabla Mumbai Indians aur Delhi Capitals ke beech khela jaane wala hai. Yeh match shaam 7:30 baje se Mumbai ke Wankhede Stadium mein khela jaana hai. Gujarat Titans, Royal Challengers Bengaluru aur Punjab Kings playoff mein apni jagah pakki kar chuki hain.

Top-4 mein bache aakhri spot ke liye ab Mumbai Indians aur Delhi Capitals ke beech jung hai. Points table mein is waqt MI 12 matches mein 7 jeet aur 14 ankon ke saath 4th position par hain. Jabki DC 13 points ke saath 5th sthaan par hai.

Mumbai aur Delhi ki kismat unke khud ke haathon mein hai, playoff mein jagah sunishchit karne ke liye dono ko har haal mein match jeetna hoga. Lekin is beech, Mumbai ka mausam dono teams ki chinta badha raha hai. Aaiye aapko batate hain ki match wale din mausam ka haal kaisa rehne wala hai

MI vs DC weather report

Image Source: X

Jaane kaisa rahega MI vs DC ke match me mausam?: AccuWeather ke anusaar, Mumbai Indians aur Delhi Capitals ke beech match wale din subah baarish hone ki 80% sambhavna hai. Shaam ke liye anumaan thoda behtar hai, lekin maidaan ko taiyaar karne ke liye groundstaff ko kadi mehnat karni hogi. Agar match shuru bhi hota hai, toh beech-beech mein kuch rukawatein aa sakti hain.

Also Read: MI vs DC Match, Wankhede Stadium IPL stats, records, Pitch Report

Barish ki wajah se MI vs DC radd: Kaun si team hogi Playoff mein?

Image Source: X

MI vs DC match agar baarish ke bajah se cancelled ho jata hai to? Kaun playoff mein pahunchega? : Agar barish ke karan MI aur DC ke beech match radd ho jata hai, to dono teams ek-ek points share karengi. MI ke 15 points ho jayenge jabki DC 14 points tak pahunch jayegi. Agar Mumbai apna aakhri match jeet-ti hai, to woh playoff mein pahunch jayegi, kyunki unke 17 points tak ho jayenge, aur DC agar apna aakhri match jeet-ti hai to keval 16 points tak pahunch payegi.Wahin, agar MI aakhri match haar jati hai, to 15 points par atke reh jayegi, aur agar DC jeet-ti hai, to woh qualify kar jayegi. Agar dono teams apna aakhri match haar jati hain, to MI playoff mein pahunchegi kyunki ve DC se ek points aage hain.

Also Read: MI vs DC Dream11 Team, My11circle Prediction, Pitch and Weather Report

---