By Kaif - May 31, 2025 01:46 PM
Image Source: X
Yeh sawaal social media par kaafi charcha mein hai ki kya Shubman Gill ne maidan par Hardik Pandya ko nazarandaaz kiya aur kya dono ne haath milane se inkaar kar diya.
Kya Shubman Gill ne toss par Hardik Pandya ko kiya ignore?: Darasal IPL 2025 ke Eliminator match mein Gujarat ki team ko Mumbai ke haathon 20 run se haar ka saamna karna pada. Is match mein mili haar ke saath Gujarat ka safar khatam ho gaya, jabki Mumbai ki team ne Qualifier-2 mein apni jagah banayi.
Is match mein Hardik Pandya aur Shubman Gill ke beech do mauke aise dekhne ko mile, jab dono ko dekh kar laga ki unke beech sab kuch theek nahin hai. Pehla, toss ke dauraan Gill ne Hardik se haath nahin milaya. Wahin, jab Gill LBW out hue toh Pandya ne behad aakramak tareeke se jashn manaya. Unhone Gill ko poori tarah se ignore kiya. Yeh videos tezi se social media par viral ho rahe hain.
Image Source: X
Kya aapko lagta hai ki yeh sirf ek match ki garma-garmi thi ya dono players ke beech sach mein koi tension hai?
Hardik Pandya aur Shubman Gill, dono Bhartiya cricket team ke bade sitare hain, lekin haal hi mein IPL 2025 ke Eliminator match ke dauraan kuch aisa dekhne ko mila, jisse laga ki unke beech sab theek nahin hai. Ek baar nahin, balki do baar takraar dekhne ko mili.
Hardik?? pic.twitter.com/kgnx0fEQLL
— Johnny? (@Pranay_16K) May 30, 2025
Also Read: Watch: Top 5 best yorker balls of Jasprit Bumrah in IPL
Sabse pehle match mein toss ke dauraan Hardik ne jab Gill se haath milane ke liye aage kadam badhaya toh Gill ne Hardik ke haath ko ignore kiya aur bina haath milaye woh aage nikal gaye. Aisa laga maano unhone jaan-boojhkar Hardik ko nazarandaaz kiya ho. Logon ne unka yeh video clip viral karte hue yeh likha ki dono khiladiyon ke beech kuch toh gadbad hai. Fans ise "ego clash" ya "man-mutav" kehne lage.
Iske baad Gill jab ballebaazi kar rahe the, tab unka wicket jab gira, toh Hardik ne jis tareeke se aakramak andaaz mein jashn manaya, woh dekhne layak raha. Gill ke saamne Hardik zordaar jashn manate dikhe.
Logon ne is par bhi sawaal uthaye ki kya Hardik ka yeh jashn sirf wicket lene ki khushi thi ya ismein Gill ke prati koi naarazgi bhi shaamil thi. In dono vajah se yeh qayaas lagaya jaane laga ki Gill aur Hardik ke beech kya sahi mein sab kuch theek hai ya nahin.
Also Read: Top 3 Player Battles in PBKS vs MI match in Qualifier-2
Give Your Feedback