By Kaif - Jun 09, 2025 12:09 PM
Image Source: BCCI-X
IPL khatm hone ke baad Bhartiya Cricket Team England pahunch gayi hai. England mein Bhartiya team paanch Test matchon ki series kheleggi. Yeh badi series 20 June se shuru hogi. Lambe samay mein aisa pehli baar hoga jab kisi Test series mein Virat Kohli aur Rohit Sharma dono nahin honge.
T20 World Cup jeetne ke baad Rohit Sharma aur Virat Kohli ne T20 se sanyaas le liya tha. England daure se pehle Rohit Sharma ne Test se sanyaas ka elaan kar diya. Kuch dinon ke baad Virat Kohli ne bhi iss format se retirement ka elaan kar diya. Iss faisle se fans hairan reh gaye.
Rohit Sharma aur Virat Kohli ab sirf One-Day format mein khelte hue dikhayi denge. Rohit Sharma aur Virat Kohli ko jald hi One-Day match mein farewell mil sakta hai. Iske liye Australia Cricket Board ne khaas taiyari shuru kar di hai. Aise mein qayaas lagaye ja rahe hain ki kya Rohit Sharma aur Virat Kohli One-Day se bhi sanyaas lenge?
Image Source: BCCI-X
BCCI ne abhi tak Rohit Sharma aur Virat Kohli ke Test cricket se farewell ko lekar koi elaan nahin kiya hai. Lekin Australia Cricket Board ne Rohit aur Virat ko farewell dene ka plan banaya hai.
Bhartiya team iss saal ke end mein teen matchon ki ODI Series khelne ke liye Australia daure par jaane wali hai. Iss daure par hi Cricket Australia (CA) Bharat ke inn do legendary cricketers ke liye special farewell ceremony host karne wala hai.
Cricket Australia ke CEO Todd Greenberg ka kehna hai ki Virat Kohli aur Rohit Sharma ka yeh aakhri Australia daura ho sakta hai, aur ve unke shandar cricketing career ka samman karna chahte hain.
? FAREWELL FOR KOHLI AND ROHIT. ?
— Mufaddal Vohra (@mufaddal_vohra) June 8, 2025
- Cricket Australia is planning a special farewell for Virat Kohli and Rohit Sharma during India's ODI tour as it'll potentially be their last matches Down Under. (Cricexec). pic.twitter.com/N7m6soDoJD
Todd Greenberg ne aage bataya ki "mujhe nahin pata ki yeh unka aakhri daura hoga ya nahin, lekin ve ise Rohit aur Virat ke liye yaadgaar banana chahte hain." Rohit Sharma aur Virat Kohli ne haal hi mein Test cricket se sanyaas le liya hai, lekin ve dono abhi One-Day khel rahe hain. Cricket Australia ko lagta hai ki ve kabhi bhi One-Day se bhi sanyaas le sakte hain, isliye ve Australia ke iss daure ko unke liye khaas banana chahte hain.
Also Read: Rinku Singh Engagement: Ring ceremony video, photos went viral on the internet
Image Source: BCCI-X
Virat Kohli's records against Australia in ODI cricket: Virat Kohli One-Day ke sabse shandar khiladi hain. Shatkon ke maamle mein Virat Kohli One-Day mein Sachin Tendulkar ka record tod chuke hain. Kohli ne One-Day mein 2008 mein Sri Lanka ke khilaf debut kiya tha. Virat Kohli ne Australia ke khilaf khoob run banaye hain. Virat ne Australia ke khilaf 50 One-Day matches khele hain. Kohli ne Kangaroos ke khilaf 2,451 run banaye hain. Kohli ne One-Day mein Australia ke khilaf 8 shatak aur 15 fifty jadi hain. King Kohli ne Australia ke khilaf aakhri One-Day match Champions Trophy mein khela tha. Uss match mein Kohli ne 84 run banaye the.
Image Source: BCCI-X
Rohit Sharma's records against Australia in ODI cricket: Rohit Sharma ne 23 June 2007 ko Australia ke khilaf International One-Day cricket mein debut kiya tha. Kangaroos ke khilaf Hitman ka record behad shandar raha hai. Rohit ne Australia ke khilaf 45 One-Day matches khele hain. 45 matches mein Hitman ne 2,379 run banaye hain. Rohit ne Kangaroos ke khilaf 8 shatak aur 8 fifty lagayi hain. Rohit ne Australia ke khilaf ek double century bhi lagayi hai. Kangaroos ke khilaf Rohit ki performance shandar rahi hai. Aakhri baar Rohit Sharma ne One-Day mein Australia ke khilaf Champions Trophy mein khele the. Rohit Sharma uss match mein balle se kuch khaas nahin kar paye the lekin Team India woh match 4 wicket se jeet gayi thi.
Also Read: Team India squad for T20 World Cup 2026
Give Your Feedback