Kya RCB par lagega ek saal ke liye ban?

By Kaif - Jun 10, 2025 04:06 PM
Last updated on Jun 10, 2025 04:08 PM

Image Source: X

Kya RCB par lagega ek saal ke liye ban?: Royal Challengers Bangalore (RCB) ne 18 saal ke lambe intezaar ke baad finally IPL ka khitaab jeet liya. Team ne Punjab Kings ko hara kar IPL ki trophy apne naam ki. Magar, RCB ki is jeet ka celebration tab pheeka pad gaya jab Chinnaswamy Stadium ke bahar hui bhagdad mein 10 se zyada logon ki maut ho gayi. RCB ke celebration mein shamil hone ke liye itni crowd ikatthi ho gayi ki bhagdad mach gayi aur is dauran kai logon ne apni jaan gawa di.

Ab is maamle mein ek important update saamne aaya hai. Khabron ke mutabik, agar RCB ki team is bhagdad ke liye guilty payi jaati hai, toh unke upar IPL mein ek saal ka ban bhi lag sakta hai.

Jaane Kya RCB par lagega ek saal ke liye ban?

Image Source: X

Kaha ja raha hai ki Bengaluru Police ne is victory celebration ko karwane se mana kiya tha. Iske bawajood, Chinnaswamy Stadium mein ek grand event organize kiya gaya. RCB team ke khilaaf is maamle mein FIR bhi register ki gayi hai. Sath hi, Karnataka Cricket Association ke do officials ko resign bhi dena pada.

Reports ke mutabik, agar RCB team iske liye guilty payi jaati hai, toh phir BCCI unke upar action lete hue ek saal ka ban laga sakti hai. RCB ne is maamle mein gehra dukh jataya tha aur dead logon ke liye compensation ka bhi elaan kiya tha. Udhar, Karnataka government ne bhi muawze ka elaan kiya tha.

Also Read: Nicholas Pooran ne itni jaldi international cricket se retirement kyun liya?

RCB Stampede: Reason Aur Allegations

Image Source: X

Reports ke mutabik, is bhagdad ka main reason uncontrollable crowd aur poor crowd management tha. Lakhon ki sankhya mein fans stadium ke aas-paas jama ho gaye the, jiski wajah se halaat bilkul bekabu ho gaye.

Police Ki Warnings: Yeh baat saamne aayi hai ki Bengaluru Police ne is bade event ko karwane se pehle hi mana kiya tha, but iske bawajood isko organize kiya gaya.

FIR Darj: Is maamle mein RCB team, event management firm DNA Entertainment aur Karnataka State Cricket Association (KSCA) ke khilaaf FIR file ki gayi hai. RCB ke marketing head, Nikhil Sosale, samet kuch logon ko arrest bhi kiya gaya hai.

Resignation Aur Suspension: Is incident ke baad Karnataka Cricket Association ke do officials ko resign karna pada. Iske alawa, Bengaluru Police Commissioner samet paanch police officers ko bhi duty mein laparwahi (laxity in duty) ke aarop mein suspend kar diya gaya hai. Karnataka Government ne is maamle ki Criminal Investigation Department (CID) se jaanch ke orders bhi diye hain.

Also Read: ICC Hall of Fame: History, Inductees, and Indian players list

« Previous SA vs AUS WTC Final Pitch Report, Live broadcast and streaming details in India

Next » ENG vs WI T20I: Pitch Report, Head to Head, Playing 11 and AI Prediction