By Kaif - May 19, 2025 12:28 PM
Image Source: IPL-X
How can MI, DC, and LSG reach the IPL 2025 playoffs: IPL 2025 ke 60th muqable mein Gujarat Titans ne Delhi Capitals ke khilaaf historical run chase karte hue 10 wickets se jeet haasil ki. Delhi ki team ne pehle ballebaazi karte hue 3 wickets khokar 199 run banaaye the. Iske jawaab mein Gujarat ne bina koi wicket ganwaaye 19 overon mein 200 run ke lakshya ka peecha kar liya. Delhi Capitals ki is haar ke baad Gujarat Titans, Punjab Kings aur Royal Challengers Bengaluru ki team ek saath playoff mein pahunch gayi.
Top-4 mein bache aakhri spot ke liye ab Mumbai Indians, Lucknow Super Giants aur Delhi Capitals ki teams ke beech jung dekhne ko milegi. MI 12 matches mein 7 jeet aur 14 ankon ke saath chauthe sthaan par hain. Jabki DC 13 ank ke saath paanchvein aur LSG 12 ank ke saath saatvein sthaan par hai. Aaiye aapko batate hain ki playoff mein jagah pakki karne ke liye in teeno teams ko kya karna hoga.
Image Source: IPL-X
How can Mumbai Indians (MI) reach the IPL 2025 Playoffs: Agar Hardik Pandya ki team DC aur PBKS ke khilaaf apne bache hue do league match jeet leti hai toh MI IPL 2025 ke playoffs ke liye qualify kar jayegi. Agar MI ek match haar jaati hai aur ek jeet jaati hai, toh unhe umeed karni hogi ki DC aur LSG bhi apne bache hue league matches mein se ek haar jaayein. Aisi sthiti mein MI ke 16 ank, DC ke 15 ank aur LSG ke 14 ank honge. Wahin, agar MI apne bache hue dono match haar jaati hai, toh ve qualify nahi kar payenge, bhale hi baaki do teams kaisa bhi pradarshan karein.
Image Source: IPL-X
How can Delhi Capitals (DC) reach the IPL 2025 Playoffs: Delhi Capitals agar apne bache hue dono league match jeet jaati hai toh woh playoff ke liye qualify kar jayegi. Agar DC ek jeetti hai aur ek haarti hai, toh unhe umeed karni hogi ki MI apne bache hue dono match haar jaaye aur LSG bhi apne bache hue teen matches mein se ek haar jaaye. Aisi sthiti mein DC 15 ankon ke saath chauthe sthaan par rahegi.
Image Source: IPL-X
How can Lucknow Super Giants (LSG) reach the IPL 2025 Playoffs: LSG IPL 2025 playoffs ke liye qualify kar jayegi agar Rishabh Pant ki team apne bache hue teen league match jeet leti hai. Wahin, agar DC 21 May ko MI ko hara deti hai aur Punjab Kings DC (24 May ko) aur MI (26 May ko) dono ko hara deti hai. Agar aisa hota hai, toh LSG 16 ankon ke saath chauthe sthaan par rahegi, DC 15 ankon ke saath aur MI 14 ankon ke saath. Agar LSG apne bache hue matches mein se ek bhi haar jaati hai, toh woh baahar ho jayegi.
Also Read: LKN vs SRH Dream11 Team, My11circle Prediction, Pitch and Weather Report
Give Your Feedback