By Kaif - Jun 19, 2025 11:52 AM
Image Source: BCCI-X
England ke khilaaf Test me India ki Confirmed Playing 11: Indian Test team ke vice-captain Rishabh Pant ne clear kar diya hai ki England ke khilaf Test Series mein Shubman Gill Number 4 par batting karenge, jabki Pant khud Number 5 par utrenge. Kohli ke retirement ke baad middle order mein ek strong batsman ki zaroorat thi, aur ab team management ne yeh responsibility Gill ko di hai. Gill aur khud apni batting position par Pant ne clarification di hai.
Pant ne kaha, "Number 3 ko lekar ab bhi discussion chal rahi hai, lekin 4 aur 5 fixed hain. Shubman Number 4 par aayenge aur main Number 5 par batting karunga. Baaki ke slots par baat-cheet jaari hai.
Virat Kohli ke daur mein Number 4 ki jagah confirm maani jaati thi, lekin ab is important position ki responsibility Shubman Gill ko mili hai, jo apne calm nature aur stylish batting ke liye jaane jaate hain.
Image Source: BCCI-X
Wahi Rishabh Pant India ke 2024/25 Test season mein consistently Number 5 par batting kar rahe hain. Pehle aisa maana ja raha tha ki Karun Nair ko Number 5 par mauka mil sakta hai aur Pant Number 6 par aa sakte hain, lekin Pant ne khud in speculations ko dismiss kar diya hai. Yaani Number 4 par Gill aur Number 5 par Pant khelenge, yeh final ho chuka hai.
Image Source: BCCI-X
Iska jawab abhi clear nahi hai, kyunki Number 3 ki position abhi decide nahi hui hai. Karun Nair ne domestic cricket mein brilliant form aur England Lions ke khilaf double century maarkar team mein comeback kiya hai. Woh ab Number 3 ke liye sabse strong contender maane ja rahe hain. Haal hi mein Test team mein include kiye gaye left-handed batsman Sai Sudarshan bhi Number 3 ke liye ek option hain.
Unhone sabhi formats mein consistently accha perform kiya hai. Agar unhe debut ka chance milta hai, toh India ko middle order mein kuch changes karne pad sakte hain. Karun Nair usually top ya middle order mein khelte hain, isliye unhe Number 6 par bhejna possible nahi lagta. Yahi reason hai ki Number 3 ki position is Test ke liye sabse important ban gayi hai, especially tab jab Headingley ki pitch par fast bowlers ko starting mein swing milti hai.
Also Read: IND vs ENG Dream11 Prediction, Team, Pitch and Weather Report
Image Source: BCCI-X
Team India ke vice-captain Rishabh Pant ne clear kiya hai ki Shubman Gill Number 4 aur woh khud Number 5 par batting karenge, lekin Number 3 aur opening ko lekar abhi tak team management ne decision nahi liya hai. Wahi Pant ne yeh nahi bataya ki Yashasvi Jaiswal ke saath opening kaun karega. Gill ke Number 4 par aane se ab top order mein ek slot empty ho gaya hai. Halanki maana ja raha hai ki KL Rahul Playing XI mein honge, lekin yeh confirm nahi hai ki woh opening karenge ya middle order mein khelenge.
Pant ne press conference mein kaha, "Number 3 ko lekar ab bhi discussion chal rahi hai, lekin Number 4 aur 5 fixed hain. Shubman Gill 4 par khelenge aur main 5 par. Baaki par baat-cheet jaari hai." Iska matlab hai ki Number 3 aur opener ko lekar final decision Test se pehle liya jayega.
Rishabh Pant ne kaha ki Team India is baar purane records ki chinta nahi kar rahi hai, bhale hi India ne 2007 ke baad se England mein koi Test Series nahi jeeti ho. Pant ka khud England mein Test record accha raha hai. Unhone yahan 9 Test mein 556 runs banaye hain, jismein 2 centuries aur 2 half-centuries shamil hain. Unka average 32.70 raha hai.
Also Read: Tendulkar-Anderson Trophy Schedule, Squads, Venues, and Live Streaming Details
Give Your Feedback