By Kaif - May 28, 2025 11:52 AM
Jitesh Sharma ki shandaar kaptani paari ne Royal Challengers Bangalore (RCB) ko Lucknow Super Giants (LSG) ke khilaaf 6 wicket se jeet dilaayi.
Is match mein RCB ne 228 runs ke vishaal lakshya ko haasil kiya, jismein Jitesh Sharma ne 33 gendon par nabaad 85 run banakar team ko jeet ki dahleez tak pahunchaya.
Digvesh Rathi Mankad Virat Kohli Angry: Is match ke dauraan ek aisa pal dekhne ko mila, jab Virat Kohli ka gussa camera mein qaid ho gaya. Lucknow ki paari ke 17th over mein Lucknow ke gendbaaz Digvesh Pathi ki ek harkat ko dekh King Kohli dressing room mein bhadke hue nazar aaye. Unka video ab tezi se viral ho raha hai.
LSG ki paari ke 17th over mein Lucknow ke gendbaaz Digvesh Rathi (Digvesh Rathi Mankad) ne RCB ke ballebaaz Jitesh Sharma (Jitesh Sharma) ko non-striker end par 'Mankad' tareeke se run out karne ki koshish ki thi. Halanki, third umpire ne Jitesh Sharma ko not out qaraar diya aur LSG ke captain Rishabh Pant ne bhi khel bhaavna dikhate hue appeal waapas le li.
Lekin is se dressing room mein baithe Virat Kohli kaafi gusse mein nazar aaye. Video mein unhein gusse mein ek bottle ko sheeshe par fekte hue dekha gaya, jisse ye samajh aa raha hai ki woh is bajah se kaafi naraaz hue. Yeh video social media par turant viral ho gaya, jis par fans tezi se alag-alag pratikriyaein de rahe hain.
Also Read: Direct IPL Final Entry: Qualifier 1 Aur Qualifier 2 Mein Kya Hai Different?
— Drizzyat12Kennyat8 (@45kennyat7PM) May 27, 2025
Digvesh Rathi ki Mankad koshish ne cricket ki khel bhaavna par ek nayi behas chhed di hai. IPL 2025 mein unhein pehle hi ek match ke liye suspend kiya ja chuka hai aur woh apne 'notebook celebration' ko lekar bhi vivaadon mein rahe hain. Captain Rishabh Pant ne appeal waapas lekar khel bhaavna ki misaal pesh ki, aur unhein kisi bhi bade vivaad se bacha liya.
Also Read: Who Will Win IPL 2025 Final? Analyzing PBKS, RCB, GT, and MI
Give Your Feedback