CSK vs RR Head to Head: Jaaniye kaun si team kis par bhari hai?

Image Source: X

CSK vs RR: IPL 2025 ke 62nd Match mein Chennai Super Kings (CSK) aur Rajasthan Royals (RR) ka aamna-saamna hoga. Yeh match 20 May ko shaam 7:30 baje se Delhi ke Arun Jaitley Stadium mein khela jayega. Dono hi teams ke liye yeh season bure sapne ki tarah raha hai.

Points table mein Rajasthan 13 matches mein teen jeet, 6 ankon ke saath 9th aur Chennai 12 matches mein teen jeet, 6 ankon ke saath 10th sthaan par hain. Dono hi teams playoff ki race se baahar ho gayi hain.

Rajasthan Royals ko pichle Match mein Punjab Kings ke khilaaf 10 run se haar jhelni padi. Wahin, Chennai Super Kings ne Kolkata Knight Riders ke khilaaf do wickets se jeet darj ki thi.

CSK vs RR Head to Head

IPL itihaas mein ab tak Rajasthan Royals aur Chennai Super Kings ke beech 30 match khele gaye hain, jismein Chennai ka palda zyada bhari raha hai. CSK ne 16 muatch jeete hain, jabki Rajasthan ne 14 matches mein baazi maari hai. Wahin ek muqabla benateeja raha hai.

Image Source: X

Jaaniye CSK vs RR Head to Head, Konsi team ke records hai acche?

Match	30
Rajasthan Royals	14
Chennai Super Kings	16
Tie	00
No Result	01

CSK vs RR: Results of last five matches

Dono teams ke beech khele gaye aakhiri 5 matches mein se 4 mein Rajasthan Royals ne jeet darj ki hai. Jabki Chennai Super Kings ne kewal 1 hi match jeeta hai.

• Rajasthan Royals 6 run se jeeta
• Chennai Super Kings 5 wickets se jeeta
• Rajasthan Royals 32 run se jeeta
• Rajasthan Royals 3 run se jeeta
• Rajasthan Royals 5 wickets se jeeta

CSK vs RR Playing 11

Chennai Super Kings' Playing 11: Ayush Mhatre, Devon Conway, Urvil Patel, R Ashwin, Ravindra Jadeja, Dewald Brevis, Shivam Dubey, MS Dhoni (captain and wicketkeeper), Noor Ahmed, Khalil Ahmed, Mathisha Pathirana

Rajasthan Royals' Playing 11: Yashasvi Jaiswal, Vaibhav Suryavanshi, Sanju Samson (captain and wicketkeeper), Riyan Parag, Dhruv Jurel, Shimron Hetmyer, Shubham Dubey, Wanindu Hasaranga, Quen Mphaka, Tushar Deshpande, Akash Madhwal

Also Read: CSK vs RR Dream11 Team, My11circle Prediction, Pitch and Weather Report

---