Son of Sardaar 2 Teaser: Ajay Devgan ki upcoming film Son of Sardaar 2 ko lekar social media par kaafi hype bani hui hai. Ajay ne film ka poster share kiya tha, jismein film ki star cast nazar aayi thi. Yeh film 25 July ko cinemas mein release ho rahi hai.
Movie mein Mrunal Thakur aur Neeru Bajwa lead roles mein dikhengi. Iske alawa, film ke teaser mein Ravi Kishan, Sanjay Mishra, Chunky Pandey, Deepak Dobriyal, Kubbra Sait, Sharat Saxena, Ashwini Kalsekar bhi hain. Sath hi, late actor Mukul Dev bhi is film ka hissa hain. Issi beech, film ka teaser ab saamne aa gaya hai.
Son of Sardaar 2 Teaser
Son of Sardaar 2 ka teaser jaari karte hue, Ajay Devgan ne apne Instagram par likha, "Sardar ki entry ka countdown aaj se shuru. Sardar and Company ke paagalpan mein aapka swagat hai." Teaser kaafi zabardast aur mazedaar bhi hai.
Bollywood Hungama ki report ki maanein toh Son of Sardaar 2 ka teaser Kajol ki aane wali film Maa ke saath dikhaya jaayega. Yaani, film ka teaser kal, 27 June ko film Maa ke release hone ke baad darshak cinemas mein dekh paayenge.
Son of Sardaar 2 aur Maa ka nirmaan Devgn Films aur Jio Studios ne kiya hai. Maa mein Ronit Bose aur Indraneil Sengupta bhi important roles mein hain. Yeh ek horror film hai, jiska direction Vishal Furia ne kiya hai.
Also Read: War 2 New Posters: Hrithik, Jr NTR, and Kiara Advani promise action
About the Author:
Kaif Ansari
