Kya COVID India mein dobara wapas aa gaya hai?, Corona Virus Case In India

Corona Virus Case In India: India mein COVID-19 ke JN.1 variant se jude mamlon mein ek baar phir badhotri dekhi ja rahi hai. Bharat mein, visheshkar Mumbai, Chennai, Ahmedabad, Kerala, aur Tamil Nadu mein COVID infection ke mamle tezi se samne aaye hain. Visheshagyon ke anusar, yeh lambe antral ke baad dobara lautkar aane wali beemari hai. Is case mein jaise-jaise naye variants samne aate hain, waise-waise infection dobara samne aane lagta hai. Mumbai mein haal hi mein COVID-19 ki wajah se do mauten hui thin. Is bare mein rashtriya IMA COVID Task Force ke sah-adhyaksh rah chuke Dr. Rajeev Jayadevan ne COVID-19 ki maujooda sthiti ke bare mein kaha ki coronavirus ya SARS-CoV-2 virus vaastav mein kabhi khatm nahi hua tha.

Jaane Kya COVID India mein dobara wapas aa gaya hai?

Dr. Rajeev Jayadevan ne aage kaha ki beech-beech mein badlav ke saath lambe antral ke saath COVID beemari wapas aati rahegi, jiska matlab hai ki yeh kayi mahinon tak bina tez gati se phail sakti hai. Is wajah se mamlon ki sankhya mein vriddhi dekh sakte hain. Yeh zyada tar Asian deshon mein dekhne ko mil raha hai. Is dauran pichle kuch hafton mein Hong Kong, Singapore, Thailand, aur Bharat mein bhi mamlon mein vriddhi hui hai, lekin Bharat ke drishtikon se badi sankhya mein log har din bukhar ke saath doctors ke paas jaate hain. Is wajah se corona jaise mamle dekhne ko mil sakte hain.

COVID Booster Ke Bare Mein Experts Ki Raay

Coronavirus par Max Healthcare ke expert Dr. Sandeep Buddhiraja kehte hain ki Bharat mein abhi sthiti niyantran mein hai, lekin JN.1 variant ek sanket hai ki COVID-19 poori tarah khatm nahi hua. Buddhiraja aage kehte hain ki naye variants ko track karne ke liye genomic surveillance zaroori hai. Yeh vaccine aur upchar karne ke tareeke ko update karne mein madad pahunchayegi.

Wahin Dr. Simon Grant ka kehna hai ki maujooda COVID ke naye variant ko dekhte hue kuch mamlon mein booster dose lena zaroori ho sakta hai. Halanki, unhone yeh bhi kaha ki vaccine ka prabhav samay ke saath kam ho sakta hai. Booster khurak se suraksha bahaal hoti hai. Buzurg ko hi booster dose lene ki salah di gayi hai. Iske alawa, kamzor immunity wale log, swasthyakarmion aur pehle se beemar log booster le sakte hain. JN.1 ke liye khaas teeke abhi upalabdh nahi hain, lekin samanya COVID booster bhi kaafi suraksha dete hain.

COVID-JN.1 Variant Kya Hai?

JN.1 variant, Omicron ke BA.2.86 sub-variant ka vanshaj hai aur yeh August 2023 mein America mein pehli baar paya gaya tha. Iski khaasiyat yeh hai ki iske lagbhag 30 mutation hain. Yeh tezi se phailne ki kshamta rakhta hai. Isme halke lekin sankramit karne wale lakshan dikhai dete hain. Sankraman ke saath mrityu dar kam hai.

COVID-JN.1 ke side effect Kya Hain?

UK aur WHO ki Reports ke Anusaar, JN.1 se Sankramit Logon mein Nimn Lakshan Dekhe Jaa Sakte Hain:

Gale mein kharash
Chheenk aana
Bahti naak
Khaansi
Neend mein kami
Sirdard aur anxiety
Maanspeshiyon mein dard
Thakaan aur kamzori

Yeh lakshan influenza jaise bhi ho sakte hain, isliye test karana zaroori hai. Visheshagyon ka kehna hai ki JN.1 ki nidaanik profile abhi bhi Omicron jaisi hi hai.

Also Read: COVID-19 cases in India : जानिए कहां कितने मामले हैं?

« Previous COVID-19 cases in India : जानिए कहां कितने मामले हैं?

Next » Top NBA Rookies 2024: Who is Leading the ROY Race?

About the Author:

Kaif Ansari

I have a keen interest in sports. I like cricket, football, hockey, badminton, and kabaddi the most. I am a fan of CSK in IPL. My favorite players are Virat Kohli and MS dhoni. My passion for the game stems from his childhood dream of becoming a cricketer. However, that path did not come forth, so I chose an alternate career in cricket, incorporating my love for journalism. I have been writing about cricket and other sports for the last 5 years. I started my journey in sports journalism with Possible11 in 2021 and have been working for them since then.