Kya Bike aur scooty par bhi lagega toll tax? Nitin Gadkari ne khud de diya jawab

Beete dino toll tax ko lekar kuch media sanshthano ne ek khabar chalai thi, jismein daava kiya gaya tha ki 15 July se bike aur scooty samet tamaam do-pahiya vaahanon se bhi toll tax vasoola jaayega.

Yeh khabar dekhte hi dekhte kaafi viral ho gayi thi, jisne desh mein karodon two-wheelers ke liye tension badha di thi. Khabar mein daava kiya gaya tha ki 15 July se NHAI (National Highway Authority of India) yaani National Highway ke toll plaza par two-wheelers se bhi toll tax vasoola jaayega.

Haalanki, Kendriya Sadak Evam Parivahan Mantri Nitin Gadkari ne khud hi media sanshthano dwara chalai gayi is khabar ki sachchai bata di hai. Nitin Gadkari ne ise lekar Guruwar (Thursday) ko ek tweet kiya hai.

Nitin Gadkari ne bataya Bike aur scooty par nhi lagega toll tax?

Nitin Gadkari ne apne social media account par two-wheelers se toll tax vasooli jaane wali khabar ko bhramak bataya hai. Unhone kaha ki aisa koi bhi nirnay prastavit nahi hai aur do-pahiya vahanon ko toll par poori tarah se chhoot jaari rahegi.

Gadkari ne tweet mein likha, ''Kuch media sansthano dwara do-pahiya (Two-wheeler) vaahanon par toll tax lagaye jaane ki bhramak khabrein failai jaa rahi hain. Aisa koi nirnay prastavit nahi hai. Do-pahiya vahan ke toll par poori tarah se chhoot jaari rahegi. Bina sachchai jaane bhramak khabrein failakar sansani banana swasth patrakarita ke lakshan nahi hain. Main iski ninda karta hoon.

Emergency, Defence aur VIP Gadiyon ko bhi Milti Hai Chhoot

Kendriya Mantri ke iss tweet ne saaf kar diya hai ki desh mein kisi bhi two-wheelers se na toh toll tax vasoola jaa raha hai aur na hi aisa koi prastaav hai. Two-wheelers se toll tax vasoolne ki khabrein jhoothi aur bhramak hain.

Batate chalein ki Bharat mein do-pahiya vahanon se kisi tarah ka koi toll tax nahin vasoola jaata hai. Desh mein toll tax ka bhugtaan 4 pahiye aur isse zyada pahiye wale vahanon ko karna hota hai. Iske alawa, emergency service se judi gaadiyon jaise ambulance, fire brigade, defence service ki gaadiyon, VIP gaadiyon ko bhi toll tax ke bhugtaan se poori tarah chhoot milti hai.

Also Read: 50 Years of Emergency: Jaane India Emergency Ki Poori Kahani

« Previous BGMI Esports League: Krafton Begins Team Ownership Bids

Next » UP sarkar ne 6 bhartiya khiladiyon ko di Naukri

About the Author:

Kaif Ansari

I have a keen interest in sports. I like cricket, football, hockey, badminton, and kabaddi the most. I am a fan of CSK in IPL. My favorite players are Virat Kohli and MS dhoni. My passion for the game stems from his childhood dream of becoming a cricketer. However, that path did not come forth, so I chose an alternate career in cricket, incorporating my love for journalism. I have been writing about cricket and other sports for the last 5 years. I started my journey in sports journalism with Possible11 in 2021 and have been working for them since then.