Jaane kya Shefali Jariwala ki maut cardiac arrest se hui ya nahi?: 27 June ki raat ko entertainment jagat se Shefali Jariwala ki maut ki khabar saamne aayi jisne industry aur social media ko shock kar diya. 42 saal ki umar mein actress ki achanak maut se har koi hairan reh gaya hai. Pehle kaha jaa raha tha ki unki maut cardiac arrest se hui hai, lekin parivar ya kareebi logon ne iski pushti nahi ki. Ab Mumbai Police ne Shefali ki maut ke kaaran par bada khulasa kiya hai.
Reports ke mutabik, Shefali Jariwala ko beeti raat ko achanak tabiyat bigadne ke baad Bellevue Hospital le jaya gaya tha. Hospital pahunchte hi doctors ne unhein mrit ghoshit kar diya tha. Phir postmortem ke liye unki dead body ko Cooper Hospital bheja gaya. Aisi khabrein aayi ki Shefali ko cardiac arrest hua tha. Magar Mumbai Police ka kuch aur hi kehna hai.
Jaane Shefali Jariwala ki maut kaise hui?
Mumbai Police ko raat 1 baje Shefali Jariwala ki maut ki khabar mili thi aur abhi tak unke nidhan ke kaaran ka pata nahi chal paya hai. ANI ke mutabik, "Mumbai Police ko raat 1 baje iski suchna mili. Uske shav ko postmortem ke liye Cooper Hospital bhej diya gaya hai. Maut ka kaaran abhi clear nahi hai." Postmortem report ke baad hi pata chal payega ki aakhir Shefali ki maut kaise hui hai.
Beeti raat ko Shefali Jariwala ki maut ke baad unke ghar par Mumbai Police aur forensic team pahunchi thi. IANS ke mutabik, Mumbai Police househelp samet baki logon se poochhtachh kar rahi hai.
Guard ne bataya- Kya hua tha raat mein: Wahin, Shefali Jariwala jis building mein rehti thin, uske guard ne bhi is maamle par reaction diya hai. Instant Bollywood ne ek video share kiya hai, jismein guard ne kaha, "Shefali ji ko nahi dekha, unki gaadi 10-10:15 baje par gayi hai, maine gate khol diya."
Guard ne bataya ki unhein kisi cheez ke baare mein nahi pata. Actress ke ek dost ne raat 1 baje unhein bataya ki Shefali ki maut ho gayi hai. Guard ne unhein aakhri baar do din pehle hi car ke paas apne pati Parag Tyagi aur doggy ke saath dekha tha.
Also Read: Squid Game Season 3 Free mein kaise dekhein aur download karein?