Image Source: X
Israel-Iran war: Kai dinon se iss baat ki charcha thi ki kya America Iran-Israel conflict mein shamil hoga ya nahin. Der raat ye aashanka bhi sach sabit hui aur America ne Iran ke teen parmanu thikanon ko nishana banaya.
America ke iss kadam se Paschim Asia mein tanav badh sakta hai. American Rashtrapati Donald Trump ne bataya ki Iran ke parmanu thikanon Fordow, Natanz aur Isfahan par hamle ke liye B-2 Stealth Bomber ka istemal kiya gaya.
Trump ne bataya ki Fordow par hamle ke liye chhah bunker buster bomb ka istemal kiya gaya, jisse Fordow mein maujood Iran ke bhoomigat parmanu thikane ko tabah kiya gaya. Wahin Natanz aur Isfahan par hamle ke liye 30 Tomahawk missile ka istemal kiya gaya.
Jaane Kya hai B-2 Stealth Bomber?
Image Source: X
B-2 Stealth Bomber American Air Force mein apni tarah ka khaas hathiyar hai, jo teen dashakon se American stealth technology ki reerh raha hai. 1989 mein apni pehli udaan ke baad se yeh viman duniya ke sabse zyada samay tak sanchalit hone wale vimanon mein se ek hai. B-2 Stealth Bomber mein dushman ke air defense ko bhedne ki adbhut kshamata hai. Ise Northrop Grumman namak company ne banaya hai.
B-2 Stealth Bomber viman ki khaasiyat ye hai ki ise aasani se track nahi kiya ja sakta. Saath hi yeh behad unchai par udaan bhar sakta hai, jisse air defense ke liye bhi ise bhed pana behad mushkil hai. B-2 Stealth Bomber poori satikta se dushman thikanon par hamla kar sakta hai. Iss atyadhunik engineering technique se design kiya gaya hai, jisse traditional radar system ise nahi pakad sakta.
Image Source: X
Apni khaas banavat aur Flying Wing design aur behad kam infrared ke chalte yeh sirf 0.001 square meter ka radar cross section banata hai, jo ek chhoti chidiya ke barabar hota hai. Yahi wajah hai ki jab dushman ke ilake mein ghuskar uske thikanon par poori satikta se hamla karna ho toh uss sthiti mein B-2 Stealth Bomber ka koi muqabla nahi hai. Yeh 6 hazaar nautical mile ki gati se udaan bhar sakta hai. Yeh bhari bharkam hathiyaron ko le jaane mein saksham hai."
Also Read: America ke hamle ke baad kya karega Iran? Jaaniye Iran ke paas kya hain options
Iran par hamle ke liye kyon kiya gaya B-2 Stealth Bomber ka istemal?
Why was the B-2 stealth bomber used to attack Iran: Iran ke parmanu thikanon par Israel ne hamle kiye the, lekin Iran ke parmanu thikane bhoomigat hain, jisse Israeli hamlon mein unhein khaas nuksan nahin hua. Israel ke paas aise hathiyar nahin hain, jo bhoomigat dhaanche ko tabah kar saken. Aise mein America ki entry hui aur America ne apne sabse khaas hathiyaron mein se ek B-2 Stealth Bomber se 30,000 pound ke Massive Ordnance Penetrator ya bunker buster bomb ka istemal kiya, jo zameen ke bheetar bhi bhari tabahi machane ki takat rakhte hain. Fordow mein bhoomigat parmanu dhaanche ko tabah karne ke liye hi bunker buster bombon ka istemal kiya gaya.
Kya hain Bunker Buster Bomb?
Image Source: X
Bunker Buster behad takatwar visfotak hain, jo zameen ke kaafi andar tak maar kar sakte hain. Aam taur par inhein bunker ko tabah karne ke liye istemal kiya jaata hai. GPS guided in bomb ko behad surakshit maane jaane wale thikanon ko nishana banaya jaata hai.
Also Read: Israel-Iran ki jung mein kaun kiske saath? Jaane India kiski taraf?
About the Author:
Kaif Ansari
