Housefull 5A aur 5B: Jaane kaun hai dono Climax ke killer

Image Source: X

Housefull 5: "Housefull 5" ne Indian cinema mein ek anokha experiment kiya hai, jahaan film do alag-alag ant (climax) ke saath release ki gayi hai: "Housefull 5A" aur "Housefull 5B". Yeh strategy audience ko film ko do baar dekhne ke liye encourage karne aur box office par behtar performance karne ke liye banayi gayi hai. Aaiye in dono versions aur unmein kaun killer hai, iske baare mein detail mein jaante hain.

Housefull 5A aur Housefull 5B me Difference Kya hai?

"Housefull 5" ek murder mystery comedy hai jo ek luxury cruise ship par set hai. Film ki main story ek arabpati (Ranjeet) ke ird-gird ghoomti hai, jo apni 100th birthday party ke dauraan apni saari property apne "Jolly" naamak bete ko dene ka announcement karta hai. Lekin yahaan twist yeh hai ki Akshay Kumar, Riteish Deshmukh aur Abhishek Bachchan dwara nibhaaye gaye teen kirdaar - Julius, Jalaluddin aur Jalbhushan - sabhi khud ko asli "Jolly" hone ka claim karte hain. Isi beech ship par ek murder ho jaata hai, aur teeno Jolly main suspect ban jaate hain.

Yahaan se shuru hota hai "Housefull 5A" aur "Housefull 5B" ka difference:

Image Source: X

Original film ek samaan: Film ka most part, yaani murder hone tak aur investigation ka initial stage, dono versions mein bilkul same hai. Comedy, chaos aur craziness sab kuch ek jaisa rehta hai.

Climax mein difference: Asli difference film ke last 15-20 minutes mein aata hai, yaani climax mein. "Housefull 5A" mein killer koi aur hota hai, jabki "Housefull 5B" mein killer totally different person hota hai.

Do alag-alag experiences: Makers ne audience ko ek unique experience dene ke liye do alag-alag climaxes ki shooting ki hai. Iska matlab hai ki agar aap dono versions ko dekhna chahte hain, toh aapko dono ke liye alag-alag tickets khareedne honge aur cinemas mein do baar jaana hoga.

Housefull 5A aur Housefull 5B mein kaun hai Killer?

Film ki release ke saath hi audience mein yeh janne ki curiosity badh gayi hai ki aakhir dono versions mein killer kaun hai. Although makers ne is mystery ko maintain rakhne ki koshish ki hai, lekin initial audience reactions aur kuch reports ke base par kuch hints mile hain.

Spoiler Alert!: Agar aap film dekhne ka plan bana rahe hain aur mystery ko maintain rakhna chahte hain, toh yeh information aapke liye spoiler ho sakti hai.

Housefull 5A mein Killer kon: Initial reports aur audience ke tweets ke according, "Housefull 5A" mein Abhishek Bachchan (Jalbhushan) aur Fardeen Khan (Dev, arabpati ka sautela beta) killers ho hain. Kuch viewers ne yeh bhi hint diya hai ki film mein Bobby Deol ka ek surprise cameo bhi hai, jo killer ke roop mein saamne aa sakte hain, kyunki unhe film ke kisi bhi promotional material mein nahin dikhaya gaya tha.

Housefull 5B mein Killer kon: Wahin, "Housefull 5B" mein killer Abhishek Bachchan (Jalbhushan) aur Chitrangada Singh Killer hain. Yeh bhi bataya jaa raha hai ki is version mein climax thoda alag tareeke se present kiya gaya hai, jismein kuch viewers ko yeh thoda "zabardasti" laga hai.

Also Read: Eid al-Adha 2025 Wishes, Bakra Eid Mubarak Ke Liye WhatsApp, Facebook Status, shayari

Housefull 5 ke 2 Climax kyun banay?

Image Source: X

Producer Sajid Nadiadwala ne bataya hai ki yeh idea unke mind mein pichhle 30 saalon se tha. Unka goal ek aisi thriller banana tha jo audience ko cinema ghar chhodne ke baad bhi baat karne par majboor kar de. Is double-climax strategy ke peeche kai reasons ho sakte hain:

Curiosity badhana: Do alag-alag endings audience mein curiosity create karti hain, jisse ve dono versions ko dekhne ke liye motivated hote hain.

Box Office earnings: Agar film ko achha response milta hai, toh audience dono ending dekhne ke liye do baar tickets khareed sakte hain, jisse film ki earnings double ho sakti hain.

Unique experience: Indian cinema mein aisa experiment bahut kam dekhne ko milta hai, jisse yeh film ek "cinematic experiment" ban jaati hai.

Buzz aur discussion: Yeh unique concept film ke baare mein more discussion aur buzz generate karta hai, jo ultimately more audience ko attract karta hai.

Also Read: Virat Kohli HD Wallpaper with IPL Trophy 2025

« Previous Which country in the world has fought the most wars

Next » Akhil Akkineni Marries Zainab in Intimate Telugu Wedding

About the Author:

Kaif Ansari

I have a keen interest in sports. I like cricket, football, hockey, badminton, and kabaddi the most. I am a fan of CSK in IPL. My favorite players are Virat Kohli and MS dhoni. My passion for the game stems from his childhood dream of becoming a cricketer. However, that path did not come forth, so I chose an alternate career in cricket, incorporating my love for journalism. I have been writing about cricket and other sports for the last 5 years. I started my journey in sports journalism with Possible11 in 2021 and have been working for them since then.