Image Source: Social Media
Bigg Boss 19 ka Day 9 full on drama aur entertainment se bhara tha. Ghar ke andar nomination task, heated arguments, aur thodi masti-mazak sab dekhne ko mila. Chalo dekhte hain episode ke major highlights.M
Kunickaa Ne Chhodi Captaincy, Ashnoor Safe
Episode ki shuruaat hui Kunickaa Sadanand ke captaincy chhodne ke baad. Housemates ne voting karke Ashnoor Kaur ko nomination se immunity de di. Matlab is hafte wo safe hain aur evict nahi hongi.
Nehal vs Kunickaa in the Kitchen
Din ki shuruaat rasoighar se hui, jahan Nehal ne Kunickaa ke halwa banane par taana mara ki wo 2 din upma bana sakti thi. Is choti si baat ko lekar mahaul garma gaya aur 16 logon ke beech equal portions mein khana baanta gaya.
Room of Faith – 2nd Nomination Task
Bigg Boss ne ek naye zone “Room of Faith” ka introduction diya, jahan har round mein 3 log nominate hone aate aur baaki gharwale unki kismat decide karte.
- Round 1: Awez, Nagma aur Baseer nominate hone aaye. Amaal aur Zeishan ne dostana nibhaate hue double votes Awez ko diye, aur woh directly nominate ho gaye.
- Round 2: Mridul, Neelam aur Natalia aaye. Tanya aur Kunickaa ne Mridul ka naam liya, jis par garma-garmi hui. Mridul ne bola “main chamchagiri nahi karunga.” Result – Mridul nominate ho gaye.
- Round 3: Farhana, Gaurav aur Kunickaa aaye. Sabne milkar Kunickaa ka naam likha. Kunickaa directly nomination mein chali gayi./li>
- Round 4: Tanya, Zeishan aur Nehal aaye. Gaurav, Baseer aur Farhana ne Tanya ko target kiya. Result – Tanya nominate.
- Round 5: Amaal, Abhishek aur Pranit aaye. Nehal ne Abhishek ka naam liya lekin Ashnoor aur Nagma ne Amaal ko target kiya. Result – Amaal nominate.
Final nominees of the week: Awez, Mridul, Kunickaa, Tanya aur Amaal.
Also Read: Bigg Boss 19 Contestant Mridul Tiwari: Biography, Career & Achievements, Net Worth
Kunickaa vs Mridul ki Garam Hawa
Nomination ke baad Kunickaa aur Mridul ka takraav dekhne ko mila. Mridul ne bola ki wo kisi ki “ji-huzoori” nahi karenge. Kunickaa ne palat kar keh diya “tum pin pende ke lota ho” Dono ke beech ki tikhhi baat cheet ghar ka temperature high kar gayi.
Tanya vs Amaal- Cup Fight
Tanya aur Amaal ki behas bhi dhamakedar rahi. Tanya ne kaha ki “main kisi group ka part banne wali nahi hoon,” jabki Amaal ne smartly Mridul ko baaki housemates ke khilaf bhadkaane ki koshish ki aur bola ki majority banani hogi.
Baseer-Farhana ki Cute Baatcheet
Ladai-jhagde ke beech ek light-hearted moment bhi aaya jab Baseer aur Farhana ke beech masti-bhara conversation hua. Baseer ne Farhana ko “cute” bola aur uski aankhon ki tareef ki. Ye chhed-chhad dekh kar Mridul ne bola “acche lag rahe ho dono” jisse sab hans pade.
Entertainment Task – Talent Hunt
Sham ko gharwalon ko ek Talent Hunt Task mila.
- Amaal ko apne 2 least favorite members par gaana likhna tha.
- Mridul aur Kunickaa ne saath milkar ek skit prepare ki.
- Pranit ne 5 disliked contestants par stand-up comedy ki.
- Neelam ne opening act kiya, Awez ne closing dance performance diya.
- Hosting ka kaam Zeishan ne sambhala.
Task ne ghar mein thodi masti, energy aur entertainment daal diya.
Conclusion
Bigg Boss 19 ka Day 9 ek dum high-voltage drama se loaded tha. Kunickaa–Mridul ki ladaai, Tanya-Amaal ki takraar aur Baseer-Farhana ki nok-jhok is episode ko entertaining bana gayi. Ab dekhna ye hoga ki nominations ke baad strategies kaise change hoti hain aur agla bomb kis par girta hai.
Also Read: Bigg Boss 19 Day 7 Highlights: Weekend Ka Vaar, Fights, Kunika Resigns, Eviction