Image Sourc: X
Bigg Boss 19 Day 6 Highlights: Salman Khan ka show ‘Bigg Boss 19’ in dinon kafi charcha mein hai. Ghar mein kaam se lekar khane tak ke liye contestants ke beech bawal macha hua hai. Show mein 16 contestants ne entry maari thi, jismein se ab 15 sadasya hi ghar mein hain. Tamam vivadon aur teekhi bahas ke beech ‘Bigg Boss 19’ mein beete din hi pehla Weekend Ka Vaar episode stream kiya gaya, jismein Salman ne gharwalon ki pol toh kholi saath hi Kunika Sadanand ne kaha ki Tanya Mittal is weekend ki star ban gayin. Wahin, abhineta aur host ne stand-up comedian Pranit More ki class bhi laga di hai. Chaliye batate hain is weekend ke vaar ke highlights ke bare mein…
‘Bigg Boss 19’ ke Weekend Ka Vaar ki shuruaat hote hi Salman Khan aaye aur unhone gharwalon ko bataya ki yahan par sirf main-main chal raha hai. Unhone Abhishek Bajaj ko bistar na banane par latada aur unki safai par sawal bhi uthaye. Wahin, unhone Mridul Tiwari aur Natalia ke rishte par bhi chutki li. Ye Weekend Ka Vaar kafi exciting raha. Show mein ‘Baaghi 4’ ki star cast Tiger Shroff, Harnaaz Sandhu aur Sonam Bajwa pahunchi thin.
Pranit More ki lagai Salman Khan ne class
Iske saath hi Salman Khan ne ‘Weekend Ka Vaar’ mein stand-up comedian Pranit More ki class bhi lagai. Unhone unhein isliye phatkar diya kyunki unhone sabko hansane ke liye actor ka naam liya tha. Itna hi nahin, wah Tanya ka mazak banane ka bhi zikr karte hain aur kehte hain ki wah Tanya par hi joke banate hain aur unko hi nominate kar diya. Phir Pranit More batate hain ki unhone aisa kyun kiya? Iske baad Kunika, Tanya ko is weekend ka star batati hain. Tanya kafi emotional ho jati hain aur Kunika ke gale lagkar rote hue nazar aati hain. Wahin, jab Praneet, Tanya se maafi mangne ke liye pahuche the toh donon mein bahas ho gayi thi.
Baseer Ali ko bataya Kunika ka chamcha
Weekend Ka Vaar episode mein gharwalon ne ek-doosre ko tag bhi diya. Salman Khan ne gharwalon ko ek game khilai, jismein unhein ek-doosre ko tag diya jaana tha. Is dauran Kunika ne Ashnoor ko thanda sadasya kaha aur freeze kar diya. Abhishek ko pressure cooker yaani ki gusse se phatne wala sadasya kaha. Iske baad Gaurav Khanna se ghar mein aag lagane wale sawal ke bare mein pucha gaya toh Tanya Mittal ka naam liya.
Ye silsila yahin nahin ruka. Ab baari aayi Farhana ki aur unhein chamcha tag dene ke liye kaha gaya toh unhone Baseer Ali ko de diya aur bataya ki wah Kunika ka chamcha hain. Is par Baseer Ali khud ko rok nahin paye aur kehte hain ki woh Zeeshan ke chamche hain. Phir Amaall Mallik ko bulaya jata hai aur puchte hain ki ghar ka kaun dustbin hai, jismein har koi apna kachda daal dete hain toh wah Kunika ko dete hain.
Manoranjan aur Masti ka Tadka
Kade sawalon aur bahas ke alawa, is episode mein manoranjan ka bhi pura intezaam tha.
Baaghi 4' ki team ki entry
Film 'Baaghi 4' ki starcast, Tiger Shroff, Sonam Bajwa aur Harnaaz Kaur Sandhu bhi show mein mehmaan bankar aaye. Unhone apni film ka promotion kiya aur contestants ke saath ek mazedar dance task bhi kiya, jisne mahol ko halka-phulka bana diya.
'Thanda, Chamcha aur Dustbin' task
Image Sourc: X
Ek mazedar task bhi hua, jahan contestants ko ek-doosre ko 'Thanda' (nishkriya), 'Chamcha' (chaplusi karne wala), aur 'Dustbin' (bekaar) jaise title dene the. Is task ne ghar mein chal rahi rajneeti aur gutbazi ko sabke samne la diya.
Mridul aur Natalia ka khilta hua romance
Sabhi jhagdon aur bahas ke beech, Mridul aur Natalia ke beech badhti nazdikiyon ne show mein kuch romantic pal bhi jode. Salman ne unki chemistry ki taarif ki aur gharwale bhi unhein chhedte hue nazar aaye, jisse ghar mein ek khushnuma mahol bana raha.
Also Read: Famous TV actress Priya Marathe passed away, she was suffering from cancer