Image Source: Social Media
Bigg Boss 19 Day 21, Sunday ka Weekend Ka Vaar episode full on drama, entertainment aur shocking twists se bhara raha. Weekend Ka Vaar mein ek taraf masti aur court-room task hua, toh dusri taraf ghar mein ladai aur double eviction ne sabko shock kar diya.
Akshay Kumar Ki Kadi Poochtaach
Episode ki shuruaat Akshay Kumar ne ki, jaha unhone gharwalon se tricky questions pooche. Unka sawaal tha – ghar mein gunehgaar kaun hai, kaun khud ko “Milord” samajhta hai aur kaun purani files ki tarah bas pada rehta hai? Har jawab ke saath gharwalon ko us member ki photo BB Court ke saamne lagani hoti thi.
Verdict Room Task – Akshay bane Judge
Phir ghar wale gaye verdict room mein jisko Coutroom mein change kiya gya tha. Akshay ne har contestant ko ek case diya aur kisi na kisi ko uska lawyer banaya.
- Pehla case Ashnoor Ki Fake Sweetness. Jisme Ashnoor vs Farhana tha. Tanya ne ilzaam lagaye, lekin gharwalon ne zyada support Ashnoor ko diya. Farhana lawyer thi, lekin case haar gayi.
- Dusra case Tanya ke Victim Card par tha. Kunickaa ne kaha Tanya sympathy lene ke liye rota hai. Nehal ne Kunickaa ko support kiya, lekin Tanya beech mein emotional hoke ro padi. Akshay ne faisla diya ki Tanya dosh-mukt hai.
Saurabh Shukla ki Judge Entry
Uske baad aayi entry Saurabh Shukla ki, jo apna Jolly LLB 3 wala judge wala style lekar aaye. Unhone gharwalon par alag-alag “dhaaraayein” lagayi.
- 1st Dhaara BB1505 - Ulta Chor Adhiniyam. Kunickaa Sadanand pe pehli dhaara lagi aur unhe handcuff pehnayi gayi.
- 2nd dhaara BB1444– Muddo ka Microwave thi. Jisme sabne Nehal ka naam liya kyunki wo har baat ko khinchti rehti hai.
- 3rd Dhaara BB0143 - Mujhse Shaadi Karo Samiti. Jisme Sabse Jada Basser or Mridul ka nam liya gaya lakin Isme Sabse jada vote Basser Ko mile or unhe handcuff pehnaya gya
Saurabh ne apne funny judgments diye aur phir gharwalon se vidai li.
Farah Khan ka “File Close” Task
Akshay ke jaane ke baad Farah Khan ghar mein aayi aur ek naya task shuru kiya. Har contestant ko batana tha ki wo kis member ke saath apni dosti ya rishta permanently “file close” karna chahta hai. Jiska naam aata, uske gaal par laal hammer ka nishaan lagaya jata.
- Baseer ne Nehal se dosti khatam kar di.
- Kunickaa ne Gaurav ki file close ki.
- Tanya ne bhi Nehal ko apni list mein daala.
Sabse zyada gharwalon ne Nehal ka naam liya, jisse clear ho gaya ki ghar mein uski position weak hoti ja rahi hai.
Double Eviction Shock
Episode ka sabse bada dhamaka hua elimination ke time. Nominated members the – Awez, Nagma Mirajkar, Mridul aur Natalia.
- Sabse pehle eliminate hui Natalia.
- Phir Farah ne announce kiya ki ye double eviction hai. Dusri member jo bahar gayi wo thi Nagma Mirajkar.
- Natalia aur Nagma dono hi ro padi, jabki Awez bhi emotional ho gaya.
Final Take
Bigg Boss 19 Day 21 full-on entertainment, court room drama, emotions aur shocking twists se bhara tha. Friendship files close karna ho, ya double eviction ka dhamaka – is episode ne audience ko bandhe rakha. Ab aane wale dinon mein ghar ka mahaul aur zyada garam hone wala hai.
Also Read: Bigg Boss 19 Day 20 Highlights: Weekend Ka Vaar, Farah's Class, Akshay-Arshad Fun
About the Author:
Chirag Pandey
Chirag Pandey – Content & Prompt Writer
I am a skilled content writer with a knack for creating clear, engaging, and research-driven content. With expertise in data science and biotechnology, simplifies complex topics into compelling articles, blogs, news and story.A cricket enthusiast and strategic thinker and, Passionate about storytelling and SEO, I delivers content that informs and captivates readers.
