Bigg Boss 19 Day 20 Highlights: Weekend Ka Vaar, Farah's Class, Akshay-Arshad Fun

Image Source: Social Media

Bigg Boss 19 Day 20 yaani 13 September wala episode fans ke liye kaafi special raha. Yeh Weekend Ka Vaar Special tha, lekin is baar Salman Khan nahi, balki Farah Khan ne stage sambhala. Farah aate hi gharwalon ko mirror dikhaati nazar aayi aur unki class lagayi. Episode mein Akshay Kumar aur Arshad Warsi ki entry ne entertainment ka extra dose add kar diya. Saath hi is hafte ka double eviction ne sabko shock de diya.

Farah Khan ne li Contestants ki Class

Farah ne sabse pehle Baseer Ali par nishana saadha. Unhone mazaak-masti ke beech Baseer se pucha ki kaunse bade-bade contestants unhe show mein chahiye. Farah ne bola ki Baseer ko lagta hai woh galat season mein aa gaye hain. Is par Abhishek Bajaj ne bhi taunt maarta bola ki Baseer ki pehchaan toh isi show se hui hai.

Nehal ki bhi lagi Class

Uske baad Farah ne Nehal ki class lagayi. Unhone kaha ki physical task mein lagna normal hai, lekin tumne usko issue banakar attention lene ki koshish ki. Farah ne strictly bola – “Tum feminism ko 100 saal peeche le ja rahi ho”. Unhone Nehal ko advise kiya ki agar unka koi personal trauma hai to aage se kisi bhi physical task mein participate hi mat karo.

Farah ne Kunickaa aur Tanya ko bhi liya radar pe

Phir kunickaa ki class lagi. Farah ne clear bola ki chhoti baat par kisi ki upbringing ya maa par comment karna bilkul sahi nahi. Saath hi Tanya ko bhi samjhaya ki maa ka darja sirf asli maa ke liye rakho, show mein kisi contestant ko mat do.

Akshay Kumar aur Arshad Warsi ki Entry

Akshay aur Arshad ne gharwalon ke saath fun segments khelte huye episode ko aur interesting bana diya. Unhone Neelam ko cut ghere mein khada karke Tanya aur Kunickaa ke comparison mein tough sawal pooche. Neelam ne jawab dete waqt Tanya ko ‘dhokebaaz’ keh diya. Akshay ne Neelam ki tarif ki aur bola ki woh apne liye strong stand le sakti hai.

Double Eviction Shock

Episode ka sabse bada twist tha double eviction, jisne poore ghar ka mahaul tension se bhar diya. Do contestants ko ghar se nikalna pada aur yeh sabke liye ek bada setback tha.

Day 20 Recap

Overall, Day 20 full of masala, drama aur dhamaka raha. Farah Khan ki teekhi class, Akshay-Arshad ki entertainment wali entry aur double eviction ka dhamaka — yeh sab mila ke episode ko highlight bana diya. Aage ke episodes mein contestants ki equations aur game strategies kaise badleinge, yeh dekhna aur bhi interesting hoga.

Also Read: Bigg Boss 19: Double Eviction This Week - Natalia & Nagma Out