Image Source: Social Media
Bigg Boss 19 Day 16 ka episode pura nomination task par focus raha. Gharwale jahan apne gusse aur strategy ko task me nikalte dikhe, wahi purane muddon par bhi garma-garmi dekhne ko mili. Chaliye dekhte hain Day 16 ke highlights.
Kunickaa aur Tanya ki Takarar
Episode ki shuruaat Kunickaa aur Tanya ke beech ke purane jhagdo se hui. Pichle din Kunickaa ne Tanya ke baare me kuch bura kaha tha jisse ghar ka atmosphere heated ban gaya. Mridul aur Gaurav ne bhi Kunickaa ki baat galat batayi. Issi dauran Tanya emotional hoke apni baat samjhati nazar aayi.
Tanya ka Emotional Breakdown
Nomination task ke waqt Tanya, Zeishan ko bolti hain ki unhone unka support nahi kiya. Baat karte karte Tanya ro padti hain. Udhhar Neelam ko disturb karne Farhana pahunch jaati hain. Bigg Boss ne Amaal Mallik ko bhi call kiya aur unko yaad dilaya ki unhone kaha tha task ko jaldi khatam karenge taaki Kunickaa bhi nominate ho jaye.
Tanya aur Gaurav ne Kunickaa ko Sunayi Baatein
Nomination task ke dauran Tanya aur Gaurav dono ne Kunickaa par attack kiya. Tanya ne kaha ki unke sanskaar unhe chup rehna sikhate hain, lekin ab unhe clear karna zaroori tha. Gaurav ne bhi unke bayan par kafi objection uthaya aur bola – “Kya ek sherni apne hi bachchon ko khati hai?”
Amaal ka Gussa Ghar walo par nikla
Task ke baad Amaal Mallik sabse zyada naraz nazar aaye. Unhone Baseer ki captaincy ko question kiya aur bola ki ghar ke kai members dohra chehra dikhate hain. Amaal ka kehna tha ki sab safe khel rahe hain, lekin koi openly sahi ke liye khada nahi hota. Unhone ye bhi declare kar diya ki ab vo ghar ki koi duties nahi karenge.
Nominated Contestant List Announced
Task khatam hone ke baad Bigg Boss ne bataya ki kaunsi jodi sabse kamzor rahi. Nitalia aur Mridul ne sabse zyada time liya aur seedhe nominate ho gaye. Iske alawa Awez aur Nagma already nominate the.
Nominated Contestant this week:
- Nitalia
- Mridul
- Awez
- Nagma
Kunickaa ka Kitchen Se Inkaar
Nomination drama ke baad ghar me ek aur mudda uth gaya. Kunickaa ne khana banane se mana kar diya. Unka kehna tha ki vo ab kitchen me koi kaam nahi karengi. Is wajah se gharwale pareshaan ho gaye. Nehal aur Gaurav ke beech is baat par behas bhi ho gayi. Aakhir me Neelam ne Baseer ki request par cooking ki zimmedari le li.
Conclusion
Day 16 ka episode full drama, emotions aur strategy se bhara raha. Tanya aur Gaurav ne Kunickaa par apna gussa nikala, Amaal ne gharwalon ki pol kholi aur nomination list ne suspense create kiya. Ab sabka dhyaan iss baat par hoga ki nominated members apna game kaise bachate hain.
Also Read: Bigg Boss 19 Day 15 Highlights: Wild Card Entry, Fun, Fight & Nomination Drama
About the Author:
Chirag Pandey
Chirag Pandey – Content & Prompt Writer
I am a skilled content writer with a knack for creating clear, engaging, and research-driven content. With expertise in data science and biotechnology, simplifies complex topics into compelling articles, blogs, news and story.A cricket enthusiast and strategic thinker and, Passionate about storytelling and SEO, I delivers content that informs and captivates readers.
