Image Source: Social Media
Bigg Boss 19 Day 15 kaafi entertaining aur drama se bhara raha. Ghar mein pehle wild card contestant Shehbaz ki entry ne mood ko thoda light aur masti bhara bana diya, lekin nomination task ne sab contestants ki tension badha di. Chaliye dekhte hain Bigg Boss 19 Today's highlights.
Shehbaz ki Entry se Badla Mahol
Shehbaz ne ghar mein aate hi sabko apni masti aur jokes se hasa diya. Kabhi Shahbaz Natalia se mazaak mein baatein karte nazar aaye, lekin unki language thodi galat thi. Phir unhone Tanya se unki saree collection ke baare mein mazaak kiya. Tanya ne apni personal life shar ki aur bataya ki dono relationships mein unhe hi chhod diya gaya tha.
Baseer ka Frustration
Shahbaz ke entry ke baad ghar ka mood chill ho gaya hai, par Baseer ko lagta hai ki yeh season unke standards ka nahi hai. Unke hisaab se contestants ka level waisa nahi hai jaise unhone socha tha. Baseer apna disappointment clear kar dete hain.
Abhishek aur Shehbaz ki Takkar
Episode mein Abhishek aur Zeishan ke beech chhoti si behas ho gayi. Zeishan ka kehna tha ki Abhishek faltu issues banate hain, lekin Abhishek ne mana kar diya. Shehbaz ko bhi laga ki Abhishek unnecessary baatein karte hain. Farhana ne hasi mazaak mein bola ki unke group mein ek ladaku finally aa gaya.
Tanya aur Kunickaa ka Kitchen Fight
Subah dance ke baad kitchen mein Tanya aur Kunickaa ki ladai ho gayi. Bhindi mein keeda dekh kar Tanya ne react kiya, to Kunickaa ne jawab diya ki kitchen mein rehna padta hai tab samajh aata hai. Ye sun kar Tanya naraz ho gayi aur boli ki Kunickaa unke sanskaron par sawal utha rahi hain.
Nomination Task ki Shuruaat
Bigg Boss ne announce kiya ki Shehbaz aur Nehal is hafte safe rahenge. Baaki contestants ko jodiyon mein baant kar 19 minutes ka task diya gaya, jismein unka dhyaan bhatkaya jayega.
Ashnoor aur Abhishek
Pehli jodi thi Ashnoor aur Abhishek. Farhana aur Amaal ne unhe distract karne ki puri koshish ki. Farhana ne Ashnoor ko taana diya ki unhe itni chhoti age mein show mein nahi aana chahiye tha. Zeishan ne Abhishek se poocha ki wo hamesha gusse wale mode mein kyun rehte hain.
Farhana aur Pranit
Dusri jodi thi Farhana aur Pranit. Inhe distract karne Ashnoor, Baseer aur Tanya aaye.
Awez aur Nagma
Teesri jodi thi Awez aur Nagma. Lekin Abhishek ne darwaza block karke task bigaad diya. Is wajah se Bigg Boss ne seedha dono ko nominate kar diya.
Gaurav aur Tanya
Agli jodi thi Gaurav aur Tanya. Kunickaa ne Tanya par apna gussa nikal diya aur unhe kaafi kuch suna diya. Shehbaz ne Gaurav ko uthane ki bhi koshish ki.
Tanya ka Emotional Breakdown
Task khatam hote hi Tanya Mittal ro padi. Unhe laga ki Kunickaa unki maa ki upbringing par sawal utha rahi hain. Neelam aur Nagma ne paani pilakar unhe sambhalne ki koshish ki, lekin Tanya lagataar rote hi rahi.
Conclusion
Day 15 ka episode full of masti, fights aur emotional moments tha. Jahan Shehbaz ne ghar ka mahol halka banaya, wahi nomination task ne contestants ke asli rang dikhaye. Ab dekhna hoga ki is nomination ke baad kaun eviction ke danger zone mein pahuchta hai.
Also Read: Bigg Boss 19 Day 14 Highlights: Weekend Ka Vaar, Roast & First Wild Card Entry
About the Author:
Chirag Pandey
Chirag Pandey – Content & Prompt Writer
I am a skilled content writer with a knack for creating clear, engaging, and research-driven content. With expertise in data science and biotechnology, simplifies complex topics into compelling articles, blogs, news and story.A cricket enthusiast and strategic thinker and, Passionate about storytelling and SEO, I delivers content that informs and captivates readers.
