Bigg Boss 19 Day 13 Highlights: Weekend Ka Vaar, Drama, Emotions, Reality Check

Image Source: Social Media

Bigg Boss 19 ke Weekend Ka Vaar ka 13th day drama, dhamaka aur emotions se bharpoor raha. Salman Khan ne is hafte gharwalon ki class li aur unke behaviour par sawal uthaye. Kuch contestants ko unki galtiyon ke liye daanta gaya, toh kuch ko unka support bhi mila. Episode mein ek emotional twist bhi aaya jab Kunickaa Sadanand ke bete Ayaan ne apni maa ke struggles ke baare mein bataya.

Salman Khan ne lagayi Amaal Malik ki class

Episode ki shuruaat mein Salman ne Amaal Malik se sawal kiya ki kya woh ghar mein sirf sone aaye hain? Unhone kaha ki Bigg Boss ka show apni asli personality dikhane ka platform hai, aur ab tak Amaal bilkul active nahi dikh rahe.

Gandi language par Salman ka gussa

Salman ne gharwalon ki language par bhi sawal uthaye. Unhone Amaal Malik se lekar Farhana tak sabko samjhaya ki abusive aur disrespectful language bilkul tolerate nahi ki jaayegi. Abhishek Bajaj ke saath Amaal ke rude behaviour ko lekar bhi Salman ne naraazgi dikhayi.

Gaurav, Ashnoor, Awez aur Nagma par sawaal

Gaurav Khanna ko Salman ne inactive hone ke liye daanta. Unhone Ashnoor, Awez aur Nagma se bhi poocha ki unke fans kya soch rahe honge, kyunki unki presence ghar mein almost zero hai. Salman ne bola ki wo sirf dance karte nazar aate hain, game mein contribution kam hai.

Captaincy ke liye Kunickaa ki class

Captain hone ke bawajood Kunickaa Sadanand ne kai responsibilities se peecha chhudaya. Salman ne unhe yaad dilaya ki captain banne ka matlab leadership lena hota hai, na ki position chhod dena.

Also Read: Bigg Boss 19 Contestant Zeeshan Qadri: Biography, Career, Awards & Achievements, Net Worth

Nehal ki harkaton par sawal

Nehal ko bhi Salman ne khub sunaaya. Unhone kaha ki Tanya ko “bad breath” kehna bilkul galat tha. Saath hi unhe har matter mein unnecessary interference ke liye bhi daanta.

Farhana ki pol khuli

Salman ne Farhana se kaha ki unhone jo gaaliyan boli thi, unhe loud padhna padega. Apne hi shabd sunke Farhana embarrassed ho gayi. Salman ne Neelam ko “do kaudi ki ladki” kehne aur Abhishek ke khilaaf galat ilzaam lagane par bhi unki class li. Salman ne clear kar diya ki Abhishek ne task mein kuch galat nahi kiya tha.

Also Read: Bigg Boss 19 mein hui pehli wild card entry, elimination par bhi aaya bada update

Emotional moment: Kunickaa aur Ayaan

Sabse emotional scene tab aaya jab Salman ne Farhana ki inappropriate comment par Kunickaa ke bete Ayaan ko stage par bulaya. Ayaan ne bataya ki kaise unki maa ne 17 saal ki umar mein shaadi ki, phir ek failed marriage ke baad apne bade bete ki custody ke liye 12 saal tak legal fight ladi. Is dauraan unhone paise ke liye industry mein kaam kiya aur baar-baar Mumbai–Delhi travel kiya.

Unhone kaha ki Kunickaa ka hamesha ek family ka dream raha hai aur unhone kabhi give up nahi kiya. Yeh baatein sunkar Salman aur Kunickaa dono emotional ho gaye. Farhana ne Ayaan se maafi bhi maangi.

Gharwalon ka support

Ayaan ke jaane ke baad gharwale Kunickaa ko hug karte hain aur unhe support karte hain. Kunickaa sabse request karti hain ki ab is baat ko yahin khatam kiya jaye.

Nehal ne Tanya se maafi maangi

Episode ke end mein Nehal ne Tanya se apni comment ke liye maafi maangi. Tanya ne bataya ki woh 6 din se properly khana nahi kha rahi thi. Nehal ne wada kiya ki woh dobara aisa nahi karegi.

Episode ka conclusion

Weekend Ka Vaar ka yeh episode full of drama, daant, emotions aur lessons tha. Salman Khan ne ek baar fir se contestants ko yaad dilaya ki Bigg Boss ka asli maqsad sirf survive karna nahi, balki apni personality dikhana aur ek dusre ka respect karna hai.

Also Read: Bigg Boss 19 Day 12 Highlights: Kitchen Drama, Zeishan vs Kunickaa, Fights