Bigg Boss 19 Day 12 Highlights: Kitchen Drama, Zeishan vs Kunickaa, Fights

Image Source: Social Media

Bigg Boss 19 12th day full on drama se bhara raha. Har taraf arguments, shouting aur emotional breakdowns dekhne ko mile. Kitchen mein khane ko lekar sabse zyada hungama hua aur gharwale ek dusre ke khilaf khade dikhayi diye.

Nehal vs Ashnoor

Episode ki shuruaat hi Nehal ke outburst se hui. Unka kehna tha ki jab Abhishek ne Farhana ko godh mein uthaya, to Ashnoor ko apni dost hone ke nate is baat par react karna chahiye tha. Nehal ne sab gharwalon ko ispe confront kiya aur Ashnoor bhi chillane lagi.

Abhishek par sawal

Farhana ne agle din apna stand clear kiya ki unhe acha nahi laga ki Abhishek ko kisi ne confront nahi kiya aur usse maafi tak nahi maagwai gayi. Nehal aur Kunickaa bhi unke support mein khadi rahi. Gaurav, Awez aur Nagma ka bhi manna tha ki agar issue uthana tha, to usi waqt uthana chahiye tha, ek din baad nahi.

Kitchen Drama Se Shuru Hua Bawal

Din ki shuruaat normal kitchen hustle se hui, lekin jaldi hi baat bigad gayi. Kunickaa ne sabko plates se puri nikalne aur wait karne ko bola, jo Zeishan ko bilkul pasand nahi aaya. Zeishan gusse mein aa gaye aur keh diya ki aise instructions dena disrespectful hai. Gharwalon ne samjhane ki koshish ki, par Zeishan apne stance par tikke rahe.

Zeishan vs Kunickaa: Zubaani Jung

Kitchen ki baat personal war of words mein badal gayi. Zeishan ne gusse mein aakar Kunickaa ki "aukaat" par comments kar diye aur gaali tak de di. Ye dekh kar aadha ghar Kunickaa ke against ho gaya. Sabka manna tha ki unka puri nikalne wala step unnecessary tha.

Also Read: Bigg Boss 19: Captaincy Task High-Voltage Drama, Mridul Tiwari Injured

Farhana Ne Khola Tanya Ka Raaz

Sham tak ek aur twist aaya jab Farhana ne reveal kiya ki Tanya ne pehle Kunickaa ke baare mein bola tha, "Main aur Neelam ne kabhi kisi ko roka nahi, toh Kunickaa kyun rokti hai." Is baat se Kunickaa aur zyada cornered feel karne lagi.

Kunickaa Ka Emotional Breakdown

Dinner ke waqt Kunickaq ro padti hain aur kehti hain ki wo hamesha dusron ko khila kar khud khati hain. Baseer unhe console karte hain, lekin baaki gharwale unke actions ko lekar baatein karte rahe. Ye emotional moment dikhata hai ki housemates din ba din mentally drained hote ja rahe hain.

Farhana vs Amaal fight

Drama yahin khatam nahi hua. Amaal Mallik bhi beech mein aa gaye aur Farhana ki baatein sun kar unse takra gaye. Amaal ka kehna tha ki Farhana gharwalon ko bhadka rahi hai, lekin Farhana insisted ki woh bas Tanya ka sach saamne la rahi thi. Is fight mein Nehal bhi gusse mein aa gayi jaise hamesha hota hai. Amaal ne kaha, “Do logon ki fight unke beech rehni chahiye,” lekin Farhana rukne ko ready nahi thi.

Hamper surprise from Dubai

Episode ke end mein finally gharwalon ko ek hamper mila jo Dubai se bheja gaya tha. Sabhi ne milkar chocolates share ki aur thodi der ke liye ghar ka mahaul light-hearted ho gaya.

Day 12 Conclusion:

Bigg Boss 19 12th day ekdum rollercoaster tha — shor-sharaba, kitchen politics, personal clashes aur nayi dosti-dushmani ke saath. Farhana aur Kunika ke issues ke saath Amal ki entry ne drama ko double kar diya. Lekin hamper wale surprise ne sabko ek pal ke liye ek saath la diya.

Also Read: Bigg Boss 19 Day 11 Highlights: Baseer New Captain, Mridul Injured, Fight, Drama