Image Source: Social Media
Bigg Boss 19 ka safar shuru ho chuka hai aur jaise hi ghar ke 16 naye contestants ne entry li, waise hi drama aur twists ki shuruaat ho gayi. 24 August ko grand premiere ke baad audience ne ek dhamakedar pehla episode dekha, jahan friendship, strategy aur tiffs ki buniyad rakhi gayi.
Sabse Pehla Twist – Mridul Ko Mila Outdoor Bed!
Day 1 ki shuruaat hi shocking twist se hui. Bigg Boss ne housemates ko decide karne ko kaha ki kaunsa contestant bedroom ka hissa nahi banega. Zyada votes Mridul Tiwari ke khilaf gaye, aur unhe pehle din se hi bedroom ke bahar sone ki saza mili. Ye situation unke liye thoda awkward thi, lekin game abhi shuru hi hua hai aur strategies kehna mushkil hai ki kab palat jaayein.
Farhana Bhatt evicted on Day 1
Episode ke end tak ek aur bada twist saamne aaya. Housemates ko ek aur chance mila kisi doosre contestant ka naam suggest karne ka, aur iss baar decision Farhana Bhatt ke khilaf gaya. Sabko hairani tab hui jab Bigg Boss ne turant announce kar diya ki Farhana ko ghar chhodna hoga. Itna jaldi eviction soch kar hi fans shock reh gaye.
Kaam ka vitran aur pehli nok-jhonk
House ke members ne apni responsibilities divide kar li jaisi cooking, cleaning, aur daily chores. Lekin sath hi pehle din se hi ghar ke andar chote-mote disagreements dekhne ko mile. Bigg Boss ka yeh task ki gharwale khud kisi member ko nikalne ki baat karein, unke beech ek competitive environment create kar raha hai jo aage jaake bade conflicts mein badal sakta hai.
Amaal Mallik’s emotional confession
Is beech singer-composer Amaal Mallik ke ek candid moment bhi charcha mein raha. Amal ne Jeehan Qadri ke saath baatcheet me apni ek purani cryptic post ka reason share kiya. Unhone khulaasa kiya ki unka apni mother ke saath ek time par tiff hua tha aur unhe apni khud ki pehchaan khone ka dar satane laga tha, kyunki gaane wo bana rahe the lekin unhe proper credit nahi mil raha tha. Ye conversation unki vulnerability aur honesty ko dikhata hai, jo shayad unhe audience ka support dilaye.
What’s next?
25 August ke episode mein pehle eviction ka pura drama unfold hoga. Abhi se ghar ke andar groupism aur differences dikhne lage hain. Dekhna interesting hoga ki contestants apni strategies kaise set karte hain aur kaun pehle elimination se bach pata hai.
Bigg Boss 19 ke line-up mein TV stars, social media influencers aur film industry ke names ka mix hai, aur pehle din ke hi itne bade drama se ye clear hai ki iss season mein entertainment ka dose double hone wala hai.
Also Read: Bigg Boss 19 Contestants List 2025: Meet All Housemates
About the Author:
Chirag Pandey
Chirag Pandey – Content & Prompt Writer
I am a skilled content writer with a knack for creating clear, engaging, and research-driven content. With expertise in data science and biotechnology, simplifies complex topics into compelling articles, blogs, news and story.A cricket enthusiast and strategic thinker and, Passionate about storytelling and SEO, I delivers content that informs and captivates readers.
